ఉప్పెన కలెక్షన్ల సునామీ: తొలి వారంతంలో రికార్డు స్థాయి వసూళ్లు

Posted: 02/15/2021 06:55 PM IST

మెగా హీరో వైష్ణవ్‌ తేజ్ న‌టించిన తొలి సినిమా ఉప్పెన తొలి వారంతంలో భారీ వ‌సూళ్ల‌ను రాబ‌ట్టింది. లవ్ అండ్ ఎమోషనల్ డ్రామాగా రూపుదిద్దుకున్న ఈ సినిమాలో కృతిశెట్టి, విజయ్‌ సేతుపతి, రాజీవ్‌ కనకాల ప్ర‌ధాన పాత్ర‌ల్లో న‌టించారు. బుచ్చిబాబు సానా ద‌ర్శ‌క‌త్వం వ‌హించిన ఈ సినిమాకు  దేవిశ్రీ ప్రసాద్ సంగీతం ప్ల‌స్ పాయింట్ అయింది. తొలి రోజున తెలుగు రాష్ట్రాల్లో ఏకంగా 9.35 కోట్ల రూపాయల గ్రాస్ రాబట్టిన ఈ చిత్రం.. రెండో రోజున కూడా తన జోరును కోనసాగించింది.

శనివారం రోజలు తెలుగు రాష్ట్రాల్లో ఏకంగా 6.86 కోట్ల రూపాయలను వసూళ్లను రాబట్టిన ఈ చిత్రం.. మూడవ రోజైన అధివారం రోజున తొలి రోజు వసూళ్లతో పోటీపడింది. ఏకంగా 9.2 కోట్ల రూపాయల గ్రాస్ తెలుగు రాష్ట్రాల్లోనే సాధించింది. శ్రీమ‌ణి రాసిన‌ 'నీ క‌న్ను నీలి సముద్రం' పాట భారీ హిట్ కొట్టి ఈ సినిమాకు మ‌రింత ప్ర‌చారాన్ని తెచ్చి పెట్టింది. ఈ నేప‌థ్యంలో అదివారం రోజున ప్ర‌పంచ వ్యాప్తంగా 10.42 కోట్ల రూపాయ‌ల షేర్ వ‌చ్చింది.

నైజాంలో రూ.3.04 కోట్లు, వైజాగ్ లో రూ.1.32 కోట్లు, ఈస్ట్, వెస్ట్ ప్రాంతాల్లో వ‌రుస‌గా రూ. 0.99 కోట్లు, రూ. 0.81 కోట్లు రాబ‌ట్టింది. కృష్ణా జిల్లాలో రూ.0.61 కోట్లు, గుంటూరులో రూ.0.65 కోట్లు, నెల్లూరులో 0.35 కోట్లు రాబ‌ట్టింది. దీంతో రెండు తెలుగు రాష్ట్రాలైన ఆంధ్ర, తెలంగాణలో మొత్తం క‌లిపి అధివారం రోజున రూ.9.20 కోట్లు వ‌సూలు చేసింది. ఇక మరో వారం రోజుల వ్యవధిలో ఈ చిత్రం రూ.50 కోట్ల మార్కును దాటనుందని సినీ విశ్లేషకులు అంచనా వేస్తున్నారు.

నిజాం: రూ .8.11 కోట్లు
సీడెడ్: రూ .3.65 కోట్లు
వైజాగ్: రూ 4.12 కోట్లు
గుంటూరు: రూ. 1.60 కోట్లు
తూర్పు: రూ. 2.36 కోట్లు
పశ్చిమ: రూ. 1.53 కోట్లు
కృష్ణ: రూ. 1.76 కోట్లు
నెల్లూరు: రూ. 0.86 కోట్లు

ఏపీ, తెలంగాణ: రూ .24+ కోట్లు
రెస్ట్ ఆఫ్ ఇండియా: రూ.1.5 కోట్లు
ఓవర్ సీస్: రూ. 0.80 కోట్లు
ప్రపంచవ్యాప్తంగా రూ. 26.30 కోట్లు.