చిన్మయి వెల్లడి: క్రికెటర్ చూట్టూ #మీటూ ఉచ్చు..

Posted: 10/11/2018 06:14 PM IST

Metoo cricketer named by singer chinmayi for sexual assault

బాలీవుడ్ నుంచి రాజకీయ రంగంలోని ప్రముఖులకు.. అంతటితో ఆగకుండా ఏకంగా కేంద్ర మంత్రి ఎంజే అక్బర్ చుట్టూ ఈ ప్రకంపనలు అలుముకున్నాయి. ఒక్కరితో ప్రారంభమైన అరోపణలు.. తాజాగా ఏడుగురు పిర్యాదు చేసే వరకు చేరాయి. ఇలా ఉదృతంగా సాగుతుంది మీటూ ఉద్యమం. ఈ ఉద్యమానికి మద్దతు తెలుపుతూ.. బయటకు రాలేని మహిళల సపోర్ట్ గా నిలుస్తున్న టాలీవుడ్‌ సింగర్‌ చిన్మయి.. మలింగా బాగోతాన్ని బయటపెట్టింది. బాధితురాలు తనకు జరిగిన ఘోరమైన అనుభవాన్ని చిన్మయితో షేర్ చేసుకుంది.

మలింగ ప్రవర్తనతో ఇబ్బంది పడ్డ బాధితురాలు తన గోడును ట్వీటర్‌ వేదికగా వివరించగా, అమె అదే పోస్టును సభ్యసమాజానికి తెలియజేసింది. బాధితురాలు మలింగ గురించి చిన్మయికి ఇలా తెలిపింది. కొన్నేళ్ల క్రితం ముంబైలోని ఓ హోటల్‌ లో తనకు చేధు అనుభవం ఎదురైంది. ఆ హోటోల్లో నా స్నేహితురాలితో కలిసి బస చేసాను. అది IPL సీజన్‌ కావడంతో శ్రీలంక ఫేమస్‌ క్రికెటర్‌ మలింగా కూడా అదే హోటల్లో ఉన్నాడు. ఒకరోజు నా స్నేహితురాలి కోసం ఎదురు చూస్తుంటే.. ఒకరు ఆమె మలింగా రూంలో ఉందని చెప్పారు.

దీంతో నేను ఆ గదిలోకి వెళ్లగా అక్కడ ఆమె లేదు. మలింగా మాత్రం నన్ను బెడ్‌ పైకి తోసేసి అసభ్యంగా ప్రవర్తించాడు. నా ఫేస్‌ ను తడిమాడు. అతనితో పోటీపడి నాకు నేను రక్షంచుకోలేనని గ్రహించాను. ఏం చేయలేక కళ్లు మూసుకుని నిశబ్దంగా ఉండిపోయాను. అప్పుడు హోటల్‌ సిబ్బంది డోర్‌ కొట్టారు. దీంతో అతను వెళ్లి డోర్‌ తీశాడు. నేను వెంటనే వాష్‌ రూంకు వెళ్లి నా ఫేస్‌ ను కడుక్కున్నాను. హోటల్‌ సిబ్బంది బయటకు వెళ్లే లోపే ఆ రూం నుంచి బయటపడ్డాను.

ఇది నాకు చాలా అవమానకరంగా అనిపించింది. నాకు తెలిసిన కొంత మందికి ఈ విషయం చెబితే.. వారు తప్పంతా నాదే అన్నట్లు మాట్లాడారు. నీవే అతని రూంకు వెళ్లావని, అదికాక అతనో ఫేమస్‌ క్రికెటరని, కావాలనే ఇలా చేశావంటారని తాను అనుభవించిన నరకాన్ని కూడా స్వచ్చంగా, స్వేచ్ఛగా చెప్పనీయకుండా చేశారని బాధిత యువతి తన గోడును తెలిపింది. భాదితురాలి వ్యధను అర్థం చేసుకున్న చిన్మయి మలింగ అకృత్యాన్ని ట్విట్టర్ ద్వారా బయటపెట్టింది.