'సిల్లీ ఫెలోస్‌' గా రంజింపజేయనున్న కామెడీ హీరోలు..!

Posted: 06/08/2018 06:14 PM IST

Sunil allari naresh to entertain as silly fellows

కామెడీ చిత్రాల దర్శకుడిగా, అల్లరి నరేష్ తో పలు హిట్ లు చేసిన దర్శకుడు భీమనేని శ్రీనివాసరావు కొత్త ప్రయోగంతో ముందుకోస్తున్నారు. టాలీవుడ్ లో మల్టీస్టారర్ చిత్రాలకు క్రేజ్ పెరుగుతున్న నేపథ్యంలో కామెడీ హీరోలతో కూడా మల్టీకామెడీస్టారర్ చిత్రాలను రూపోందిస్తున్నారు. గత కొంతకాలంగా మంచి హిట్ కోసం ఎదరుచూస్తున్న కామెడీ హీరోలు అల్లరి నరేష్ .. సునీల్ లను ప్రధాన పాత్రలుగా పెట్టి చక్కని కామెడీ చిత్రాన్ని తెరెకెక్కిస్తున్నారు భీమనేని.

గతంలో భీమనేని శ్రీనివాసరావు .. అల్లరి నరేష్ కాంబినేషన్లో వచ్చిన 'సుడిగాడు' ఘన విజయాన్ని సాధించింది. దాంతో ఈ సినిమా 'సుడిగాడు'కి సీక్వెల్ అనీ .. ఈ సినిమాకి టైటిల్ 'సుడిగాడు 2' అనే ప్రచారం జరిగింది. ఆ తరువాత 'సిల్లీ ఫెలోస్' అనే టైటిల్ ను పరిశీలిస్తున్నట్టుగా వార్తలు వచ్చాయి. తాజాగా అదే టైటిల్ ను ఖరారు చేసింది చిత్ర యూనిట్. అంతేకాదు ఈ టైటిల్ తో కూడిన ఫస్టులుక్ ను కూడా ఇవాళ విడుదల చేసింది.

దానిని అల్లరి నరేశ్ తన ట్విట్టర్ ద్వారా అభిమానులతో పంచుకున్నారు. సునీల్ .. నరేశ్ కి సంబంధించిన ఒక తమాషా సీన్ ను ఫస్టులుక్ పోస్టర్ గా ఆవిష్కరించారు. ఫస్ట్ లుక్ లో మాత్రం అకర్షించే అరెంజ్ కలర్ లో అకర్షణీయంగా వుంది. ఇక సిల్లీ ఫెలోస్ కూడా అంతే అకర్షణీయంగా, చూడగానే కామెడీ ఉట్టిపడే మాదిరిగా డిజైన్ చేశారు. ఈ పోస్టర్ లో సునీల్ వీపుపై అల్లరి నరేష్ ఎక్కి వుండగా, వారి వెనుకనున్న గోడకు ఓ వైపు గొడుగు, మరో వైపు అమ్మాయిల దుస్తులు వేలాడుతున్నాయి. ఇక దాని కింద డైనింగ్ టేబుల్ వుండగా మరోవైపున మాత్రం ఒక్క కుర్చీయే వుందంది. ఇక మా వర్ణన ఎందుకు.. మీరే తిలకించండి..