ఎన్టీఆర్ కొత్త సినిమా క్లారిటీ

Posted: 12/06/2016 11:52 AM IST

ఇండస్ట్రీకి మూడో బిగ్గెస్ట్ బ్లాక్ బస్టర్ 'జనతా గ్యారేజ్' తో అందించాడు జూనియర్ ఎన్టీఆర్. అప్పుడెప్పుడో నందమూరి సాధించిన ఆల్ టైం రికార్డులను మళ్లీ ఇన్నేళ్లకు చెరిపి టాప్ 5 లో నిలిచాడు తారక్. అయితే అంతటి ఘన విజయం తర్వాత ఎలాంటి కథను ఎంచుకోబుతున్నాడా? అన్న డౌట్ అందరిలోనూ మొదలైంది. కథల మీద కథలు వింటూ కన్ఫ్యూజ్ అయిపోతున్నాడంటూ అంతా భావించారు. అయితే ఎట్టకేలకు ఓ క్లారిటీకి వచ్చినట్లు తెలుస్తోంది.

వైవిధ్యభరితమైన సినిమా చేయాలనే ఉద్దేశంతోనే ఉన్న ఎన్టీఆర్ చివరికి బాబీ వినిపించిన కథకే ఓటేశాడని సమాచారం. 'సర్దార్ గబ్బర్ సింగ్' వంటి భారీ ఫ్లాప్ ఇచ్చినప్పటికీ, కథపై గల నమ్మకంతోనే ఎన్టీఆర్ గ్రీన్ సిగ్నల్ ఇచ్చాడని చెప్పుకుంటున్నారు. ఈ నెల 9వ తేదీన ఈ సినిమా పూజా కార్యక్రమాలను నిర్వహించడానికి సన్నాహాలు చేస్తున్నారు. ఆ మరుసటి రోజు నుంచే రెగ్యులర్ షూటింగ్ ఉంటుందని అంటున్నారు.

ఈ సినిమాలో ఎన్టీఆర్ ద్విపాత్రాభినయం చేయనున్నట్టు తెలుస్తోంది. ఎన్టీఆర్ ఆర్ట్స్ బ్యానర్ పై కల్యాణ్ రామ్ ఈ సినిమాను నిర్మిస్తున్నాడు. కథానాయికను .. ఇతర తారాగణాన్ని ఎంపిక చేసి అదే రోజు అనౌన్స్ చేసే అవకాశం ఉంది.