చిరు మాటలతో గాల్లో కమెడియన్

Posted: 11/04/2016 11:31 AM IST

ఇప్పుడున్న టాప్ హీరోలంతా కొత్త రక్తాన్ని ఎంకరేజ్ చేయటంలో ఎలాంటి బెణుకు ప్రదర్శించకుండా ముందుకు వస్తున్నారు. టాలెంట్ ఉంటే చాలూ వారి కోసం కాస్త టైం కేటాయించి ఫ్రీ ప్రమోషన్ చేసేస్తున్నారు. మెగాస్టార్ చిరు ఆ వరుసలో ఎప్పుడూ ముందుంటాడు కూడా. రీసెంట్ గా ఓ కమెడియన్ కోసం ఏకంగా గంటపాటు సమయం కేటాయించిన చిరు వ్యక్తిత్వం చూసి అతగాడికి మాటలు రాలేదంట.

అతనెవరో కాదు ముందు జబర్దస్త్ కామెడీ షో తో, ఆపై యాంకర్ రష్మీతో అఫైర్ తో, ఈ మధ్య సినిమాలతో కూడా బాగా పాపులర్ అవుతున్న సుడిగాలి సుధీర్. రీసెంట్ గా మనోడు కొత్తగా ఓ ఇల్లు కొనుక్కున్నాడు. దానికి గృహప్రవేశం ఆహ్వానం కోసం పేరెంట్స్ తో సహా మెగాస్టార్ ఇంటికి వెళ్లాడంట. పెద్ద స్టార్ హీరో, పైగా 150వ చిత్రం షూటింగ్ తో బిజీగా ఉన్నాడు కదా! ఓ ఐదు నిమిషాలు సమయం కేటాయించకపోతారా అని అనుకున్నాడంట. కానీ, చిరు మాత్రం పెద్ద షాకే ఇచ్చాడని తెలుస్తోంది.

ఏకంగా గంటపాటు ఈ సోదిగాడు సారీ... సుడిగాలి సుధీర్ తో ముచ్చటలాడాడంట. అంతేకాదు తన వెంట వచ్చిన తల్లిదండ్రులకు. తనకు కొత్త బట్టలు కూడా పెట్టి అతిథి మర్యాదలు చేశాడంట. ఈ విషయాలన్నింటినీ తన ఫేస్ బుక్ ఖాతాలో పోస్ట్ చేసి మురిసిపోయాడు సుధీర్. ‘‘చిరు నా రోల్ మోడల్. ఆయన ప్రేరణతోనే నేను ఈ ఫీల్డ్ లోకి వచ్చాను. అలాంటి వ్యక్తి అప్యాయంగా పలకరించేసరికి కాళ్లు, చేతులు వణికిపోయాయి. నిజంగా ఈ రోజు నా జీవితంలో మరిచిపోలేని రోజు అంటూ బోల్డెంత పొగడ్తలతో సందేశం ఉంచాడు.