మెగా పవర్ స్టార్ చేతుల మీదుగా నక్షత్రం లోగో లాంచ్

Posted: 09/04/2016 01:34 PM IST

క్రియేటివ్ డైరెక్టర్ కృష్ణవంశీ దర్శకత్వంలో రూపోందుతున్న 'నక్షత్రం' చిత్రం ప్రస్తుతం హైదరాబాద్ పరిసర ప్రాంతాలలో శరవేగంగా నిర్మాణం జరుపుకుంటోంది. ఈ చిత్రం తొలి పది ప్రచార చిత్రాలను మరికొద్ది రోజులలో విడుదల చేయనున్నారు  మెగా పవర్ స్టార్ 'రామ్ చరణ్'. ఈ విషయాన్ని మీడియాతో పంచుకుంటున్నారు దర్శకుడు కృష్ణ వంశీ. 'నక్షత్రం' లోగో,  ప్రచార చిత్రాలు ఎంతో ఆసక్తిని రేకెత్తించేలా ఉంటాయని తెలుస్తోంది. ఇప్పటికే దీనికి సంబంధించిన వీడియో సోషల్ మీడియాలో హల్ చల్ చేస్తోంది.

"పోలీస్" అవ్వాలనే ప్రయత్నం లో వున్న ఓ యువకుడి కథే ఈ "నక్షత్రం" అని తెలిపారు క్రియేటివ్ డైరెక్టర్ కృష్ణ వంశీ. ఈ చిత్రానికి దర్శకత్వం కృఫ్ణవంశీ వహించగా, శ్రీ చక్ర మీడియా సారధ్యంలో "బుట్ట బొమ్మ క్రియేషన్స్" పతాకంపై  ప్రొడ్యూసర్ కే.శ్రీనివాసులు "విన్ విన్ విన్ క్రియేషన్స్"పతాకంపై నిర్మాతలు ఎస్.వేణుగోపాల్, సజ్జు సంయుక్తంగా నిర్మిస్తున్నారు. ఈ చిత్రంలో సాయి ధరమ్ తేజ్, సందీప్ కిషన్, రెజీనా, ప్రగ్య జైస్వాల్ ప్రధాన తారాగణం.