Posted: 01/24/2013 07:10 PM IST

       టాలీవుడ్ లో సోలో హీరోగా కథం తొక్కుతోన్న నారా రోహిత్ ... నాజూకు సుందరి రెజీనా జంటగా ఓకొత్త చిత్రం ప్రారంభమైంది. ఆర్.వి చంద్రమౌళి ఈ విభిన్నకథా చిత్రాన్ని నిర్మిస్తున్నారు. ఈ తాజా చిత్రానికి సంబంధించిన పూజాది కార్యక్రమాలను ఈ రోజు హార్భాటంగా జరిగాయి. తాతినేని సత్య ప్రకాష్ దర్శకుడిగా వ్యవహరిస్తోన్న ఈ సినిమా షూటింగ్  హైదరాబాదులోని ప్రసాద్ ల్యాబ్స్ లాన్ లో లాంఛనంగా ప్రారంభమైంది.

        పూజా కార్యక్రమాల అనంతరం తొలి సన్నివేశానికి రమేష్ ప్రసాద్ క్లాప్ కొట్టారు. క్రికెట్ చాముండేశ్వరీ నాథ్ కెమెరా స్విచాన్ చేయగా ... వినాయక్ గౌరవ దర్శకత్వం వహించారు. ఈ సందర్భంగా చిత్ర దర్శకుడు సత్య ప్రకాష్ మాట్లాడుతూ, ఫిబ్రవరి 1 వ తేదీ నుంచి ఈ సినిమా రెగ్యులర్ షూటింగ్ జరుగుతుందనీ, ఏప్రిల్ 16 వరకూ ఏకధాటిగా జరిగే సింగల్ షెడ్యూలుతో షూటింగ్ పూర్తి అవుతుందని వెల్లడించారు.

      కాగా, వేసవి సెలవుల్లో ఈ సినిమాను రిలీజ్ చేయాలని భావిస్తున్నారు. దర్శకుడు సత్య గతంలో 'భీమిలీ కబడ్డీ జట్టు' ... 'ఎస్.ఎం.ఎస్.' మూవీలను రూపొందించారు.

...avnk