నిత్యం యవ్వనంగా కనబడాలంటే...

Posted: 11/28/2014 04:41 PM IST

వయసు మీద పడేకొద్దీ ప్రతిఒక్కరు వృద్ధాప్యబారిన పడటం సహజం. అయితే కొంతమందిలో జన్యులోపాలు, జీవనశైలి, తీసుకునే ఆహారం, నివసించే ప్రదేశాన్ని బట్టి వృద్ధాప్య లక్షణాలు కనిపిస్తాయి. ఈ లక్షణాలు కనబడనీయకుండా ఉండేందుకు కొన్ని రకాల ప్రొడక్ట్స్ అందుబాటులో వున్నాయి కానీ.. అందులో వుండే రసాయనాలు చర్మానికి హానికలిగించే ప్రమాదం వుంటుంది. పైగా సైడ్ ఎఫెక్ట్స్ వచ్చే అవకాశాలూ వుంటాయి. కాబట్టి.. వాటి వాడకం లేకుండా వృద్ధాప్య లక్షణాలు కనబడకుండా వుండాలంటే.. జీవనశైలిలో మార్పులు తీసుకురావాలి. ముఖ్యంగా ఆహారపు అలవాట్లను మార్చుకుంటే మంచిది. పోషక విలువలు కలిగిన కొన్ని ఆహారపదార్థాలను తీసుకుంటే.. అవి స్కిన్ టోన్’ను మరింతగా మెరుగుపరిచి, అందాన్ని సంరక్షిస్తాయి. ఫలితంగా వృద్ధాప్య లక్షణాలు తొలగిపోయి, యవ్వనంగా కనిపిస్తారు. మరి.. ఆ ఆహారాలేంటో తెలుసుకుందాం...

1. బెర్రీస్ : వీటిలో ‘యాంటీఆక్సిడెంట్స్’ పుష్కలంగా ఉన్నాయి. ఇవి చర్మాన్ని ఆరోగ్యంగా వుంచడంలో ప్రధానపాత్రను పోషిస్తాయి. డార్క్ కలర్ బెర్రీస్ అయితే మరింత ఉత్తమంగా పనిచేస్తాయి. వాటిల్లో ‘విటమిన్-’సి పుష్కలంగా ఉండి చర్మసౌందర్యానికి మేలు చేస్తాయి.

2. డార్క్ చాక్లెట్ : ఇందులో కూడా యాంటీఆక్సిడెంట్స్ పుష్కలంగా వుంటాయి. డార్క్ చాక్లెట్స్’ను నిరంతరం తీసుకుంటుంటే.. అందులో వుండే యాంటీఆక్సిడెంట్స్ చర్మంలో రక్త ప్రసరణను పెంచుతాయి. ఇలా చర్మానికి నిరంతరం తగినంత రక్తప్రసరణ అందడం వల్ల యంగ్’గా కనబడుతుంటారు.

3. వెజిటేబుల్స్ : ఇవి అన్నిటికంటే బెస్ట్ యాంటీఆక్సిడెంట్ ఫుడ్. ఇవి ఏజింగ్ ప్రొసెస్ ను తగ్గిస్తాయి. ఈ గ్రీన్ లీఫీ వెజిటేబుల్స్ పచ్చిగా లేదా ఉడికించి తీసుకోవచ్చు.

4. బీన్స్ : వీటిల్లో కూడా యాంటీఆక్సిడెంట్స్ అధికంగా వుంటాయి. ఇది అనేక వ్యాధులతో పోరాడి, శరీరానికి శక్తినందిస్తుంది... బలహీనతను తగ్గిస్తుంది. దాంతో చర్మం చూడటానికి యవ్వనంగా ఉంటుంది.

5. అవొకాడో : ఇందులో విటమిన్ ఈ, పొటాషియం, మోనో సాచురేటెడ్ ఫ్యాట్స్’తోబాటు పెద్దమొత్తంలో యాంటీఆక్సిడెంట్స్ ఉంటాయి. ఇవన్నీ స్కిన్ హెల్త్’ను మెరుగుపర్చడంలో ప్రముఖపాత్రను పోషిస్తాయి. దీన్ని యాంటీఏజింగ్ ఫుడ్’లో చేర్చబడినది.