మోదీపై సెటైర్లు పేలాయి

Posted: 06/29/2016 12:36 PM IST

తన వ్యవహార శైలి సరైంది కాదంటూ సాక్షాత్తూ ప్రధాని నరేంద్ర మోదీ వ్యాఖ్యానించిన వేళ వివాదాస్పద ఎంపీ సుబ్రహ్మణ్య స్వామి తక్షణమే ఏం స్పందించలేదు. కేవలం పబ్లిసిటీ కోసం పాకులాడే స్వామీ ఇలాంటి నిరాధారమైన ఆరోపణలు చేస్తున్నాడంటూ మోదీ రెండు రోజుల క్రితం పేర్కొన్న సంగతి తెలిసిందే. అయితే తనకు అత్యంత ఆత్మీయుడైన వ్యక్తే తన గురించి మాట్లాడటంతో స్వామి తట్టుకోలేకపోయారు.

ఈ నేపథ్యంలో ఒక్క రోజు గ్యాప్ ఇచ్చిన సుబ్రహ్మణ్య స్వామి తన ట్విట్టర్లో చేసిన ట్వీట్లు ఆసక్తికరంగా ఉన్నాయి.  "రాజకీయ నాయకులారా... కొత్త సమస్య: ఓ రాజకీయ నాయకుడు పబ్లిసిటీ కావాలని అనుకుంటే, 30 ఓవీలు ఇంటి బయట ఉంటాయి. చానళ్లు, ప్రచార డబ్బా కొట్టే వారి నుంచి 200 మిస్డ్ కాల్స్ వస్తాయి" అని ట్వీటాడు. అయితే సుబ్రహ్మణ్య స్వామి వ్యాఖ్యలు ఎవరిని ఉద్దేశించి చేసినవో ప్రత్యేకంగా చెప్పాల్సిన అవసరం లేదు.

తన దృష్టిలో మంచి వ్యక్తిగా, ఓ వక్తగా, సీనియర్ నేతగా మార్క్ ఉన్నప్పటికీ వ్యవహార శైలిపై తీవ్ర స్థాయిలోనే విమర్శలు రావటంతోనే స్వామి వ్యవహారంలో మోదీ స్పందించాల్సి వచ్చింది. ఆర్బీఐ గవర్నర్ రఘురాం రాజన్ పై తనకు మద్ధతు పలకకుండా సైలెంట్ గా ఉన్న ఆర్థిక మంత్రి అరుణ్ జైట్లీని టార్గెట్ చేసి ఆయన తీవ్ర వ్యాఖ్యలు చేసిన సంగతి తెలిసిందే. ఈ క్రమంలో మోదీతో సహా నేతలంతా ముప్పేట దాడి జరుగుతుండటంతో నిస్పృహకు లోనైన ఆయన సెటైర్లకు దిగారు. తనకు ఆత్మీయుడిగా పేరుబడ్డ ప్రధానిపైనే తాజా ట్వీట్లతో విమర్శలకు దిగారని తెలుస్తోంది. పనిలో పనిగా భగవద్గీతలోని శ్లోకాలను వల్లిస్తూ చివర్లో కాస్త వేదాంతాన్ని వల్లవేశారు కూడా.

భాస్కర్

PTs : New problem: when publicity relentlessly seeks a politician. 30 OVs outside the house, 200 missed calls from channels and paparazzis ?

— Subramanian Swamy (@Swamy39) June 29, 2016

The world is in general equilibrium. A small change in one parameter effects changes in all variables. So Krishna advised: Sukh Dukhe....

— Subramanian Swamy (@Swamy39) June 28, 2016