బీజేపి, ప్రధానిపై శివసేన ’’చిల్లర్’’ వ్యంగాస్త్రం..

Posted: 11/21/2017 03:31 PM IST

Manushi chhillar became miss world because of modi shiv sena s latest dig

అమెరికాకు చెందిన మూడీస్ సంస్థ ఇటీవల మన దేశ అర్థిక పురోగతి అంశానికి సంబంధించి.. ర్యాంకును భారీగా పెంచడంతో.. అది తమ ప్రభుత్వ గొప్పదనంగా చెప్పుకున్న పాలకపక్షానికి.. అందులో భాగస్వామ్యంగా కొనసాగుతున్న పార్టీ వ్యంగాస్త్రాలను సంధించింది. నోట్ల రద్దు అంశంలో గొప్పలు చోప్పుకున్న ప్రభుత్వం. సర్జికల్ స్ట్రైక్ దాడుల నేపథ్యంలో ఆర్మీకి దక్కాల్సిన ఘనతను కూడా ప్రభుత్వం తమకే దక్కాలని తమకు ప్రభుత్వం అపాధించుకున్న నేపథ్యంలో శివసేన ప్రభుత్వాని, అధికార పార్టీని, చివరకు ప్రధాన మంత్రిని కూడా టార్గటె్ చేస్తూ వ్యంగోక్తులు విసిరింది.

దేశంలో ఎక్కడ ఏ మంచి జరిగినా.. ఏ క్రీడాకారుడు పతకాలు సాధించినా.. అపాధించుకునే పార్టీ నేతలు.. మరి ప్ర‌పంచ సుంద‌రి విషయాన్ని మాత్రం అనాధగా వదిలేశారేంటని ప్రశ్నించింది. దాదాపు 17 ఏళ్ల తరువాత భారత్ మరోమారు ప్రపంచ సుందరి కిరీటాన్ని దక్కించుకుందని, ఆ ఘనతను సాధించిన మానుషి చిల్ల‌ర్ ను ప్రధాని నరేంద్రమోడీ కానీ, బీజేపి జాతీయ అధ్యక్షుడు అమిత్ షా కానీ ఎందుకు వదిలేశారని, వారు కాకపోయినా.. ఈ ఘ‌న‌త‌కెు తమ పార్టీ విధానాలే కారణమని పేర్కొంటూ ఏ బీజేపి నాయకుడు ఎందుకు ముందుకు రాలేదని శివసేన ప్రశ్నించింది.

దేశంలో ఎవ‌రు ఏ విజ‌యాన్ని సాధించినా త‌మ విజ‌య‌మే అన్న‌ట్లు మోదీ ప్ర‌భుత్వం చెప్పుకుంటోంద‌ని.. కానీ చిల్లర్ విషయంలో దానిని ఎందుకు వదిలిపెట్టిందని ఈ అంశాన్ని నోట్ల రద్దు వ్యవహారంతో ముడిపెట్టి మరీ నిలదీసింది. డిమానిటేజైషన్ తరువాత పెద్ద నోట్లు పోవడంతో దేశ ప్రజలందరి వద్ద కేవలం చిల్లరే మిగిలిందని.. పార్టీ పత్రిక సామ్నా సంపాదకీయంలో వ్యంగ్యాస్త్రాలను సంధించింది.

సరిగ్గా ఇలాంటి ట్విట్ చేసిన కాంగ్రెస్ ఎంపి శశిథరూర్ నెట్ జనుల విమర్శలకు గురైన తరువాత సామ్నా బీజేపిని టార్గెట్ చేస్తూ వ్యంగ్యాస్త్రాలు సంధించింది.దీనిని దృష్టిలో పెట్టుకునే, ప్ర‌ధాని మోదీ వల్లే మానుషి మిస్‌ వరల్డ్‌ టైటిల్‌ను తీసుకువచ్చిందని బీజేపీ నేతలెవరూ ఇంకా ప్రకటించుకోలేదంటూ ఎద్దేవా చేసింది. ఆమె కిరీటాన్ని ద‌క్కించుకోవ‌డం మోదీ చలవేనంటూ బీజేపీ నేతలు ముందుకు రాకపోవడం ఆశ్చ‌ర్యం క‌లిగిస్తోంద‌ని చుర‌క‌లంటించింది