తెలంగాణ సీఎం కేసీఆర్ కి ఓ ఆత్మ ఆవహించిందంటూ ప్రస్తుతం రాజకీయవర్గాల్లో వాడీవేడీగా చర్చలు కొనసాగుతున్నాయి. ఆయనలో ఆవహించిన ఆ ఆత్మే తెలంగాణ సర్కారును నడిపిస్తోందని చెప్పుకుంటున్నారు. ఇదేంటి..? ఉన్నట్లుండీ ఈ ఆత్మ గోల తెరమీదకి రావడమేంటి..? అది కూడా సీఎం కేసీఆర్ ఆవహించడమేంటి..? అని సందేహిస్తున్నారా! ఆయనకు నిజంగానే ఆత్మ ఆవహించిందో లేదో తెలియదు కాదు.. ఈ పుకార్లను లేవనెత్తింది మాత్రం బీజేపీ నేత నాగం జనార్ధన్ రెడ్డి. గతకొన్నాళ్ల నుంచి మీడియా ముందుకు రాని ఈయన.. తాజాగా కేసీఆర్ కి ఆత్మ ఆవహించిందంటూ సరికొత్త నినాదంతో సంచలన వ్యాఖ్యలు చేశారు. అలాగే.. తెలంగాణ సర్కారుపై విమర్శనాస్త్రాలు సంధించారు.
తెలంగాణలో పాలన అదుపు తప్పిందని, ప్రాజెక్టులు నత్తనడక నడుస్తున్నాయని, నిధుల చెల్లింపులు సరిగ్గా జరగడం లేదని జనార్థన్ రెడ్డి తెలంగాణ ప్రభుత్వంపై విమర్శలు చేశారు. స్వార్థపూరిత ప్రయోజనాల నేపథ్యంలోనే నిధులు ఆపారని ఆయన ఆరోపించారు. కేసీఆర్ భారీ కాంట్రాక్టులన్నీ తన అనుచరులకే అప్పగిస్తున్నారని ఆయన దుయ్యబట్టారు. కేసీఆర్ వ్యవహారశైలి చూస్తుంటే.. అప్పట్లో ఓ ముఖ్యమంత్రిని ఆవహించిన ఆత్మ ఇప్పుడు ఈయనకు ఆవహించినట్లుగా తెలుస్తోందని నాగం వ్యాఖ్యానించారు. ప్రస్తుత తెలంగాణ సర్కారును ఆ ఆత్మే నడిపిస్తోందని ఆయన పేర్కొన్నారు. ఈ విధంగా నాగం ‘ఆత్మ’ ప్రస్తావనను బయటికి తీసుకురావడంతో తెలంగాణలో హాట్ టాపిక్ గా మారింది. ఇంతకీ ఆ ‘ఆత్మ’ ఎవరు? అనే ప్రశ్నలు చక్కర్లు కొడుతున్నాయి. ఇది వరకు ఏ ముఖ్యమంత్రికి ఎవరి ఆత్మ ఆవహించిందన్న సందేహాలు వ్యక్తమవుతున్నాయి. ఈ తరుణంలోనే కొందరు తమతమ అభిప్రాయాలను వెల్లడిస్తున్నారు.
గతంలో దివంగత నేత వైఎస్ రాజశేఖర్ రెడ్డి ముఖ్యమంత్రిగా వున్నప్పుడు కేవీసీ రామచంద్రరావు తన ఆత్మ అని పలుమార్లు ప్రకటించిన విషయం తెలిసిందే! అప్పట్లో ఆయనలా పేర్కోవడంపై ముఖ్యమంత్రి వైఎస్సార్ కి కేవీపీ ఆత్మ ఆవహించినట్లు వివక్ష పార్టీలు ఎద్దేవా చేసిన సందర్భాలూ వున్నాయి. ఆ కేవీపీ ఆత్మే ఇప్పుడు కేసీఆర్ కి ఆవహించిందంటూ నాగం వ్యాఖ్యానించినట్లు చెప్పుకుంటున్నారు. ఎందుకంటే.. ఇటీవల కేవీపీతో కేసీఆర్ రహస్యంగా భేటీ అయ్యారంటూ వార్తలు చక్కర్లు కొట్టాయి. ఈ వార్తను దృష్టిలో పెట్టుకునే నాగం అలా పేర్కొని వుంటారని రాజకీయవర్గాల్లో చర్చించుకుంటున్నారు.
AS
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more