కళ్లెదుట ఆవిష్కృతమైన తెలంగాణ.. గుండెల్లో అమరుల జ్ఞాపకాలు.. ఆకాశమే హద్దుగా సాగిన జై తెలంగాణ నినాదాలహోరు మధ్య ప్రత్యేక తెలంగాణ రాష్ట్రం ఆదివారం అర్ధరాత్రి పురుడుపోసుకుంది. 60 ఏళ్ల పోరాటం, అనేకమంది అమరవీరుల త్యాగాలఫలం సాక్షిగా తెలంగాణ ప్రజలు రాష్ట్ర ఆవిర్భావ ఉత్సవాల్లో ఓలలాడారు. సంయుక్త ఆంధ్రప్రదేశ్కు వీడ్కోలు పలుకుతూ తెలంగాణ రాష్ట్రంగా జూన్ 2న తెలంగాణ రాష్ట్రం ఆవిర్భవించింది. ఎంతో కాలంగా ఎదురు చూస్తున్న తెలంగాణ రాష్ట్ర అవతరణం మొత్తానికి ఫలించింది. జూన్ 2, 2014 నాడు తెలంగాణను 29 వ రాష్ట్రంగా ఏర్పరుస్తూ కేంద్ర ప్రభుత్వం నిర్ణయం తీసుకుంది. తరతరాల పోరాటం తరువాత దక్కిన తెలంగాణ ఆవిర్భావం రోజు ఉద్యమకారులు ఆనందపడ్డారు. తమ పిల్లలను కోల్పోయిన తల్లిదండ్రులు కన్నీళ్లు పెట్టుకున్నారు. తెలంగాణ రాష్ట్రం ఏర్పడి నేటికి సంవత్సరం కావస్తున్న వేళ తెలుగు విశేష్ ప్రత్యేక కథనం..
కొత్త పొద్దు పొడిచింది. కోటి ఆశలతో నిరీక్షిస్తున్న తెలంగాణ నేలను కొత్త వేకువ పలకరించింది. కొత్త రాష్ట్రం సాధించిన సంబరంతో కోట్ల ప్రజానీకం పులకరించింది. తెలంగాణ సమాజపు అరవ య్యేళ్ల సుదీర్ఘ అస్తిత్వ పోరాటం ఫలించింది. స్వాభిమానం, స్వపరిపాలన కోసం దశాబ్దాలుగా సాగిన సబ్బండవర్గాల ఉద్యమం లక్ష్యాన్ని చేరింది. అసంఖ్యాకమైన ఆత్మబలిదానాలు, అనేకానేక ఉద్యమ గాయాల సాక్షిగా సువిశాల భారతావనిలో తెలంగాణ అవతరించింది... 29వ రాష్ట్రంగా సగర్వంగా ఉనికిలోకి వచ్చింది. దశాబ్దాలుగా ఊరిస్తున్న బంగరు స్వప్నం నేటితో సాకారమైంది. ఊరూవాడా, పల్లేపట్నం, చిన్నాపెద్దా తేడా లేకుండా అర్ధరాత్రి నుంచే తెలంగాణ సమాజం సంబురాలు జరుపుకుంటూ కొత్త రాష్ట్రానికి, తమ సొంత రాష్ట్రానికి ఘనంగా స్వాగతం పలికింది. ఆనందం అర్ణవమైంది. తెలంగాణ ప్రజల సంబరం అంబరాన్నంటింది!
జూన్ 2 భారతదేశ చరిత్రలో ఒక సువర్ణాధ్యాయం. యావత్ తెలంగాణ కలలుగన్న రోజు. జీవితంలో ఏ ఒక్కరూ మర్చిపోలేని రోజు. నాలుగు కోట్ల మంది తెలంగాణ ప్రజలు పట్టలేని ఆనందంతో సంబరాలు నిర్వహించిన తీరు నభూతో నభవిష్యత్. తెలంగాణలోని ప్రతి పల్లె, పట్నం, ఊరు, వాడ, చిన్నా, పెద్దా తేడా లేకుండా వేడుకలు అంబరాన్నంటేలా జరుపుకున్నారు. జూన్ 1 అర్ధరాత్రి 12 గంటలకు తెలంగాణ ఆవిర్భావ వేడుకలు తెలంగాణ పది జిల్లాలలో మారుమోగిపోయాయి. జై తెలంగాణ నినాదాలు, సాంస్కృతిక వేడుకలు, పటాకుల మోతలతో తెలంగాణను 29వ రాష్ట్రంగా ప్రజలు ఆహ్వానం పలికారు.
అలా ఘన స్వాగతం నుడుమ మళ్లీ పురుడు పోసుకున్న తెలంగాణ తల్లి నిజంగా పులకించి నేటికి ఏడాది పూర్తైంది. తన పిల్లల ఆత్మహత్యలను, ఎంతో మంది తల్లుల కడుపుకోతను అనుభవించిన తల్లి ఓ కంట నవ్వుతూ, మరో కంటి ఏడుస్తూ తెలంగాణ ప్రజల జీవితాల్లో కొత్త వెలుగులు నింపడానికి బయలుదేరింది. అలా జూన్ రెండు రాత్రి పన్నెండింకి వచ్చిన తెలంగాణ రాష్ట్రానికి ఆకాశమే హద్దుగా సంబరాలు జరిగాయి. చరిత్ర పుట్టో నిలిచిపోయే.. ప్రతి తెలంగాణ బిడ్డ మది పులకరించేలా.. ప్రతి త్యాగమూర్తి జీవితం సార్థకమయ్యేలా తెలంగాణ రాష్ట్ర ఆవిర్భావ వేడుకలు అంగరంగ వైభవంగా జరగనున్నాయి. తెలంగాణ ప్రభుత్వం హయాంలో అన్ని రకాల ఏర్పాట్లను పూర్తి చేశారు అధికారులు. అయితే తెలంగాణ ఎమ్మెల్సీ ఎన్నికల ఫలితాలు మరింత ఉత్సాహాన్నిచ్చాయి.
*అభినవచారి*
(And get your daily news straight to your inbox)
Aug 22 | అమెరికా అందరికీ ఒక డ్రీమ్. మరీ ముఖ్యంగా ఇంజనీరింగ్ పూర్తి చేసిన మన దేశవాసులకు అందులోనూ తెలుగువారికి అగ్రరాజ్యంలోకి అడుగుపెట్టి.. అక్కడ ఉద్యోగం సంపాదించి, స్థిరపడాలన్నది చాలామంది అభిలాష. ఇప్పటికే ఈ ఆశలు ఉన్నవారు... Read more
Oct 08 | అసలే నవరాత్రి వేడుకలు.. అంతా ఉత్సాహంగా ఉన్నారు.. వీధి మధ్యలో గర్భా నృత్యం చేయడానికి ఏర్పాట్లు చేశారు. యువతులు, మహిళలతోపాటు పురుషులూ బాగా రెడీ అయి వచ్చేశారు. కానీ డ్యాన్స్ మొదలుపెట్టగానే కరెంటు పోయింది.... Read more
Oct 08 | తిరుమలలో భక్త జన సందోహం పెరిగింది. దసరా పండగ తరువాత పండగ సెలవులు ముగింపు దశకు చేరకుంటున్న తరుణంలో శ్రీవారి దర్శనం కోసం భక్తులో పోటెత్తారు. సెలవులతో కూడిన వారాంతం కావడంతో భక్తులు పెద్ద... Read more
Oct 08 | దేశవ్యాప్తంగా వాహనాల రిజిస్ట్రేషన్ కు ఒకటే సిరీస్ అయిన బీహెచ్ విషయంలో కేంద్ర రవాణా శాఖ నిబంధనలను సడలించనుంది. దేశవ్యాప్తంగా ప్రతీ రాష్ట్రానికి విడిగా ఒక రిజిస్ట్రేషన్ విధానం నడుస్తోంది. తెలంగాణ అయితే టీఎస్... Read more
Oct 07 | ప్రముఖ ప్రవచనకర్త గరికపాటి నరసింహరావు ఇటీవల మెగాస్టార్ చిరంజీవిపై చేసిన వ్యాఖ్యలు దుమారాన్ని రేపుతున్నాయి. మెగాఫాన్స్ మహాపండితుడు గరికపాటిపై నెట్టింట్లో ట్రోల్ చేస్తున్నారు. ఇక దీనికి మెగాబ్రదర్ నాగబాబు చేసిన ట్వీట్ కూడా తోడు... Read more