ఒకరోజు ఒక మహిళ ఎక్కువగా నొప్పిస్తున్న తన దంతాన్ని తీయించుకోవడానికి డాక్టర్ దగ్గరకు వెళుతుంది.

మహిళ : డాక్టర్ గారూ.. నాకు దంతంలో ఎక్కువగా నొప్పి వుంది. మీరెలాగైనా దానిని తీసేసి.. నొప్పి నుంచి నన్ను ఉపశమనం చేయండి.

డాక్టర్ : సరే.. ముందు నీ నోరును తెరువు.

మహిళ : ఇదిగో.. తెరిచేశాను.. త్వరగా తీసేయండి.

డాక్టర్ : ఇలా కాదమ్మా.. ఇంకొంచెం పెద్దగా నోటిని తెరువు.

డాక్టర్ అలా చెప్పగానే ఆ మహిళ తన నోరును ఇంకా పెద్దగా ఓపెన్ చేస్తుంది.

డాక్టర్ : నాకు సరిగ్గా కనిపించడం లేదు. ఇంకా పెద్దగా తెరువు.

ఆ మహిళకు వేరే దిక్కులేక మొత్తం నోరును పైకి లేపి పెద్దగా తెరిచేస్తుంది.

డాక్టర్ : ఇంకొంచెం పెద్దగా తెరువమ్మా!

డాక్టర్ ఆ మాట చెప్పగానే మహిళ కోపంతో... ‘‘యాఁ.. నోటి లోపల కూర్చొని దంతాన్ని బయటికి తీస్తావా ఏంటి? ఇంకా తెరువు తెరువుమంటున్నావు!’’