Posted: 09/20/2012 01:20 PM IST

కావేరీ జల వివాదం మళ్లీ ముదురుతున్నది. జలాల పంపిణీకి సంబంధించి ఢిల్లీలో ప్రధానమంత్రి మన్మోహన్‌సింగ్ అధ్యక్షతన జరిగిన కావేరీ ట్రిబ్యునల్ సమావేశం విఫలమైంది. కావేరీ నుంచి తమిళనాడుకు అక్టోబర్ 15 వరకు రోజూ 9వేల క్యూసెక్కుల నీటిని విడుదల చేయాలని ప్రధాని ఈ సమావేశంలో కర్ణాటక ముఖ్యమంత్రి శెట్టర్‌ను ఆదేశించారు. అయితే ఆయన ఆదేశాన్ని శెట్టర్ ధిక్కరించారు. కరువు పరిస్థితుల నేపథ్యంలో తమ రాష్ట్రం నుంచి చుక్క నీటిని కూడా తమిళనాడుకు వదలడం సాధ్యం కాదని సీఎం శెట్టర్ స్పష్టం చేశారు. కావేరీ జల వివాదం మళ్లీ ముదురుతున్నది. జలాల పంపిణీకి సంబంధించి ఢిల్లీలో ప్రధానమంత్రి మన్మోహన్‌సింగ్ అధ్యక్షతన జరిగిన కావేరీ ట్రిబ్యునల్ సమావేశం విఫలమైంది.

కావేరీ నుంచి తమిళనాడుకు అక్టోబర్ 15 వరకు రోజూ 9 వేల క్యూసెక్కుల నీటిని విడుదల చేయాలని ప్రధాని ఈ సమావేశంలో కర్ణాటక ముఖ్యమంత్రి శెట్టర్‌ను ఆదేశించారు. అయితే ఆయన ఆదేశాన్ని శెట్టర్ ధిక్కరించారు. కరువు పరిస్థితుల నేపథ్యంలో తమ రాష్ట్రం నుంచి చుక్క నీటిని కూడా తమిళనాడుకు వదలడం సాధ్యం కాదని సీఎం శెట్టర్ స్పష్టం చేశారు. ప్రధాని ఆదేశం పట్ల తీవ్ర అభ్యంతరం వ్యక్తం చేస్తూ సమావేశం నుంచి వాకౌట్ చేశారు. ప్రధాని ఏకపక్ష నిర్ణయం తీసుకున్నారని ఆయన విమర్శించారు. ప్రధాని ఆదేశాల నేపథ్యంలో కావేరీ బేసిన్‌లో వాతావరణం మళ్లీ వేడెక్కింది. పోరాటాన్ని తీవ్రతరం చేయనున్నట్లు కర్ణాటక కావేరీ పోరాట సమితి అధ్యక్షుడు జి.మాదేగౌడ ప్రకటించారు. తమిళనాడుకు నీరు విడుదల చేసేందుకు తాము అంగీకరించబోమని ఆయన చెప్పారు. ప్రధాని తీరుపట్ల కన్నడ రైతు, ప్రజాసంఘాలు తీవ్రస్థాయిలో మండిపడ్డాయి. రాజకీయ ఒత్తిళ్లకు తలొగ్గి ప్రధాని కర్ణాటకకు అన్యాయం చేస్తున్నారని విమర్శించాయి.