పెళ్లి అంటే.. ఒకరితో ఇంకొకరికి జీవితాంతం ముడిపడే బంధం. రెండు జీవితాలు ఒకటిగా కలిసి ఒక కొత్త ప్రపంచాన్ని తయారుచేసుకునే అనుబంధం. అయితే ఈ బంధం జీవితాంతం ముడిపడి వుండాలనుకుంటే ఒకరిమీద ఇంకొకరికి గౌరవం వుండాలి. ఒకరి ఇష్టాలను ఇంకొకరు ఇష్టపడాల్సి వుంటుంది. 

అబ్బాయిలు లేదా అమ్మాయిలు కొన్ని కొన్ని విషయాలలో తమ ఇష్టాలను త్యాగం చేయాల్సి వుంటుంది. ఇద్దరి మధ్య ఎటువంటి అనుమానాలు లేకుండా పరస్పరం అర్థం చేసుకునే స్వభావాన్ని కలిగి వుండాలి. ఆర్థిక విషయాల గురించి పరస్పరం చర్చించుకుని, పరిష్కరించుకోవాలి. 

కానీ ప్రస్తుతకాలంలో అయితే అబ్బాయిల పరిస్థితి ఘోరంగా మారుతుందని కొన్ని సర్వేల ద్వారా నిపుణులు లెక్కలు తేల్చుతున్నారు. భర్తలు కుటుంబంతో కలిసి వుండడానికి ఇష్టపడుతున్నప్పటికీ.. భార్య పెట్టే వేదనలకు తట్టుకోలేకపోతున్నామని తమలో వుండే ఆవేశాన్ని వెళ్లగక్కుతున్నారు. 

ఆఫీసులో వుండే పని ఒత్తిడిని భారానికి తలమునకలైపోతున్న తరుణంలో భార్యలు ఇంకా తలనొప్పిగా మారుతున్నారు ప్రతిఒక్కరు తమ ఆవేదన వ్యక్తం చేస్తున్నారు. ప్రతి పదిమంది మగవారిలో ఏడుమంది తమ భార్యలు పెట్టే ఒత్తిడి గురించి పైవిధంగా పేర్కొంటున్నారని నిపుణులు చెబుతున్నారు. 

పెళ్లి చేసుకున్న తరువాత భర్తలు కొల్పోయే సాధారణ విషయాలు : 

ప్రతిఒక్కరికి జీవితాంతం తోడుగా వుండే స్నేహితులు కొంతమంది వుంటారు. వారితో గడిపే క్షణాలు అందరికీ మధురానుభూతిగా వుంటాయి. కానీ పెళ్లయిన తరువాత భార్యకు ఇటువంటి స్నేహాలు అస్సలు నచ్చవు. ముఖ్యంగా అమ్మాయిలతో వుండే స్నేహం భార్యలకు కోపగ్రస్తులగా మార్చేస్తుంది. అది ఉద్దేశపూర్వకంగా కావచ్చు.. లేదా ఏదైనా అనుమానం అయి వుండొచ్చు. అటువంటి సమయాల్లో భార్యను ఓదార్చడానికి ఆమెతో ఎక్కువ సమయం గడిపేందుకు సమయాన్ని కేటాయించాలి. అంటే.. మీరు మీ స్నేహితులను వదులుకోవడానికి సిద్ధంగా వుండాలి. 

కొంతమంది భార్యలకు ఇంటిపనులు మొత్తం అప్పగించడంతో అధికారం చలాయించడం మొదలుపెడతారు. ఇటువంటి సమయాల్లో భర్తలు ఏమి చెప్పిన భార్యలు వినే పరిస్థితుల్లో వుండరు. పైగా గొడవపడడానికైనా వారు సిద్ధంగా వుంటారు. అంతేకాదు.. మీరు ఆమె అధికారం చెలాయించడం వారు ఇష్టపడరు. కాబట్టి వారితో స్నేహాపూర్వకంగా వుంటూ, ప్రేమతో వ్యవహరించాలి. ప్రతిచిన్న విషయంలోను తనకు సమానంగా హక్కు కలిపిస్తే... తను మీతో ఎటువంటి భేదాభిప్రాయాలు పెట్టుకోకుండా సుఖంగా వుంటుంది. 

ఇంకొక ముఖ్యమైన విషయం... పెళ్లయినవారు ఎక్కువగా ఆవేదన పెట్టుకునే అంశాలలో ఇది మొదటిస్థానంలో వుంటుంది. అదే శాంతి. పెళ్లియిన ప్రతిఒక్కరికి తమ భార్యతోగాని, పిల్లలతోగాని శాంతి లభించదని మొత్తుకుంటుంటారు. ఆఫీసులో పని ముగించుకున్న తరువాత ఇంట్లో శాంతిగా కూర్చోవాలని అందరూ అనుకుంటారు. కానీ ఇంటికి వచ్చిన తరువాత భార్యలు చెప్పే మాటలకు, పిల్లలు పెట్టే అరుపులకు భర్తలు తమ శాంతిని కోల్పోతున్నారు. చివరకు టీవీలు చూడడానికి సమయం దొరకదు. కాబట్టి మీరు శాంతిని పోగొట్టుకోవడానికి సిద్ధంగా వుండాలి.

ప్రతిఒక్కరు స్వేచ్ఛగా తమ జీవితాన్ని ఇష్టానుసారంగా జీవించాలని ఆశ పడతారు. కానీ పెళ్లియిన మగవారికి మాత్రం ఇది ఎట్టి పరిస్థితులలో సాధ్యం కాదు. ఇంట్లో ఆర్థిక పరిస్థితుల నుంచి మొదలుకుని.. పిల్లలకు చదువులు, వారి భవిష్యత్ కార్యాచరణకు చేపట్టాల్సిన ప్రణాళికలు... భార్యతో సమయం కేటాయించడం.. ఇవన్నీ భరించాల్సి వుంటుంది. అంటే పెళ్లయిన తరువాత స్వేచ్ఛ కంటే బాధ్యతలు ముఖ్యం కాబట్టి.. మీరు దానిని కోల్పోవడానికి  ముందుండాలి.