టీమిండియా కెప్టెన్ విరాట్ కోహ్లీ నేతృత్వంలో ఆస్ట్రేలియాలో పర్యటిస్తున్న భారత క్రికెట్ జట్టు అసీస్ గడ్డపై చరిత్ర సృష్టించింది. తమ సొంతగడ్డపై కంగారుపెట్టిన టీమిండియా.. భారత క్రికెట్ చరిత్రలో ఎన్నడూ లేనివిధంగా విజయాన్ని అందుకుంది. ఆస్ట్రేలియా పర్యటనలో తొలి టెస్టులోనే ఘనవిజయం సాధించి అరుదైన ఘనతను అందుకుంది. తాజా విజయంతో 11 సంవత్సరాల తర్వాత భారత జట్టు ఆస్ట్రేలియాలో విజయం అందుకున్నట్లు అయింది.
కాగా, అడిలైడ్ మ్యాచ్ లో భారత జట్టు ఆస్ట్రేలియాపై 31 పరుగుల తేడాతో ఆసిస్ పై విజయం సాధించింది. ఈ మ్యాచ్ లో ఒక్కో వికెట్ కు కనీసం 15 పరుగులు జోడించడం ద్వారా ఆస్ట్రేలియా జట్టు కూడా సరికొత్త రికార్డును సృష్టించింది. గత వందేళ్ల టెస్టు క్రికెట్ చరిత్రలో ఇలా జరగడం ఇదే తొలిసారి కావడం గమనార్హం.
మరోవైపు భారత జట్టు వికెట్ కీపర్ రిషబ్ పంత్ ఈ మ్యాచ్ లో అరుదైన ఘనత సాధించాడు. అడిలైడ్ టెస్ట్ మ్యాచ్ లో 11 క్యాచ్ లను(తొలి ఇన్నింగ్స్ లో 6, రెండో ఇన్నింగ్స్ లో 5) అందుకోవడం ద్వారా ఇంగ్లండ్ క్రికెటర్ జాక్ రస్సెల్, దక్షిణాఫ్రికా స్టార్ ఆటగాడు ఏబీ డివిలియర్స్ రికార్డును పంత్ సమం చేశాడు. మరోవైపు ఈ మ్యాచ్ లో ఇరుజట్ల ఆటతీరుపై ఆస్ట్రేలియా దిగ్గజ స్పిన్నర్ షేన్ వార్న్ ప్రశంసలు కురిపించాడు.
అడిలైడ్ టెస్టులో ఆస్ట్రేలియా లోయర్ ఆర్డర్ అద్భుతమైన పోరాటపటిమను ప్రదర్శించిందని కితాబిచ్చారు. అద్భుతంగా పోరాడి విజయం అందుకున్న విరాట్ కోహ్లీ సేనకు అభినందనలు తెలిపాడు. టెస్టు క్రికెట్ లో ఉండే అసలైన మజా ఇదేనని వ్యాఖ్యానించాడు. ఇదే పోరాటస్ఫూర్తిని పెర్త్ లోనూ ప్రదర్శించాలని ఇరు జట్లకు సూచించాడు. మరోవైపు అడిలైడ్ మ్యాచ్ లో అద్భుతంగా రాణించి రెండు ఇన్నింగ్స్ లో వరుసగా 123, 71 పరుగులు చేసిన పుజారాకు ప్లేయర్ ఆఫ్ ది మ్యాచ్ అవార్డు లభించింది.
(And get your daily news straight to your inbox)
Sep 27 | టీమిండియా జట్టుకు వరుస సంతోషాలు సొంతం అవుతున్నాయి. ప్రపంచ చాంపియన్ ఆస్ట్రేలియాపై టి20 సిరీస్ను గెల్చుకున్న టీమిండియాకు.. ఆ వెంటనే అంతర్జాతీయ క్రికెట్ కౌన్సిల్ (ఐసీసీ) విడుదల చేసిన జట్టు ర్యాంకింగ్స్లోనూ టీమిండియా జట్టు... Read more
Sep 27 | ఇంగ్లండ్ పర్యటనలో అతిధ్య జట్టును వారి సోంతగడ్డపైనే ఓడించి సిరీస్ ను కైవసం చేసుకున్న టీమిండియా.. జోష్ కొరవడింది. అందుకు కారణం మూడవ మ్యాచులో షార్లట్ డీన్ రనౌట్ అసంబద్దమైనదని బౌలర్ దీప్తిశర్మ సహా... Read more
Sep 27 | ఇంగ్లండ్, భారత్ మహిళల మ్యాచ్లో దీప్తి శర్మ చేసిన రనౌట్ వివాదాస్పదమైన సంగతి తెలిసిందే. అప్పటికే 9 వికెట్లు కోల్పోయిన ఇంగ్లండ్ను గెలిపించేందుకు ప్రయత్నిస్తున్న షార్లెట్ డీన్.. నాన్స్ట్రైకర్ ఎండ్లో ఉండగా దీప్తి శర్మ... Read more
Sep 22 | తెలుగువాళ్లు అన్నీరంగాల్లోనూ బాగా రాణిస్తున్నారు. విద్యా, వ్యాపార, వాణిజ్య, సినీ, రాజకీయ రంగాలతో పాటు ఇందుగలడు అందులేడన్న సందేహము వలదు ఎందెందు వెతికినా అందుగలడు తెలుగువాడు అన్నట్టుగా ఏ రంగంలో చూసినా తెలుగువారు తమ... Read more
Sep 17 | టీమిండియా క్రికెటర్ వెంకటేశ్ అయ్యర్ పెను ప్రమాదం నుంచి తప్పించుకున్నాడు. టీమిండియాతో పాటు ఐపీఎల్ లోనూ తన సత్తా చాటిన ఈ క్రికెటర్.. దులీప్ ట్రోఫీలో సెంట్రల్ జోన్ జట్టుకు ఆడుతుండగా అతనికి పెను... Read more