భర్త నుంచి విడాకులు పోందకుండా సెపరేట్ గా వుండటం సాధ్యమేనా..? ఈ ప్రశ్న ఉదయించింది కొత్తగా ఫెళ్లైన యువ జంటలో కాదు. పాతికేళ్లు భర్తతో కలసి సంసారం చేసిన ఓ భార్య మదిలో.. ఇన్నాళ్ల పాటు అమెతో అన్ని చాకిరీలు చేయించుకుని,. తన పిల్లలకు కూడా బండెడు చాకిరీ చేసి.. పెంచి పెద్ద చేసి. సద్గుణాలను నేర్పించి.. ఓ తల్లి తన భర్త నుంచి ఎందుకు దూరంగా వుండాలని కోరుకుంటుంది. అమె మాట్లల్లోనే.. మా పెళ్లయ్యి పాతికేళ్లు గడించింది. మా పిల్లలిద్దరూ అమెరికాలో ఉద్యోగాలు చేస్తున్నారు. మా వారు బ్యాంక్ మేనేజర్, ఇటీవలే విఆర్ఎస్ తీకున్నారు.
నా పెళ్లైన నాటి నుంచి నా ఆరోగ్యం కూడా లక్ష్యపెట్టకుండా.. అవిశ్రాంతంగా భర్త పిల్లలకోసం శ్రమించినా.. నన్ను ఏనాడు మావారు గుర్తించలేదు.. సరికదా మనిషిగా కూడా పరిగణించలేదు. అయినా నేను బాధపడకుండా.. పిల్లల అభ్యున్నతి కోసం ఆయన పెట్టిన చిత్రహింసలన్నింటినీ భరించాను. గత కోంత కాలంగా ఆయన నన్ను ముసలిదానివయ్యావని ఎగతాళి చేస్తున్నారు. అంతేకాదు తాను ఇంకా ఫిట్ గా వున్నానని, ఈ వయస్సులో కూడా తనంటే అమ్మాయిలు పడి చస్తున్నారని సూటిపోటి మాటలతో నన్ను తీవ్ర మానసిక ఒత్తడికి గురిచేస్తున్నారు. వీఆర్ఎస్ తీసుకున్న తరువాత ఆయన ప్రవర్తనలో వచ్చిన మార్పును నేను భరించలేకపోతున్నాను. ఆయన నుంచి దూరంగా వుండేందుకు నాకు ఏదైనా మంచి సలహా ఇవ్వండి.
ఇన్నేళ్ల దాంపత్య జీవితం తరువాత కూడా మీ భర్త మిమ్మల్ని అర్థం చేసుకోకపోవడం.. మీ ఇష్టాఇష్టాలను తెలుసుకోకపోవడం బాధకరమే. కనీసం మనిషిగా కూడా మిమల్ని పరిగణించలేదంటే.. మీ బాద వర్ణణాతీతం. అయితే ఇన్నేళ్ల తరువాత మీ రు మీ భర్త నుంచి విడాకులు పోందగలిగిలే..వచ్చే లాభం శూన్యం. మీ భర్తపై కేసు పెట్టడం కూడా సమస్యకు పరిష్కారం కాదు. అయితే మీ భర్త మానసిక వేధింపుల నుంచి తప్పించుకుని ప్రశాంతంగా వుండాలని కోరుకుంటున్నారు కాబట్టి మీరు మీ కారణాలన్నింటినీ వివరిస్తూ,, ఫ్యామిలీ కోర్టులో జేడీషియల్ సెపరేషన్ కోరుతూ పిటీషన్ దాఖలు చేయండి.
సెక్షన్ 10, హిందూ వివాహ చట్టం 1955 ప్రకారం మీ భర్త నుంచి మీరు విడాకులు తీసుకోకుండానే విడిగా వుండే అవకాశన్ని న్యాయస్థానం మీకు కల్పిస్తుంది. ఇందువల్ల మీ వివాహ బంధం రద్దు కాదు, పైపెచ్చు మీ భర్త అస్తి హక్కులు మీకు సంక్రమించడంలో ఏ ముప్పూ వాటిల్లదు. కేవలం శారీరిక సంబంధాలు మాత్రమే రద్దు అవుతాయి. ఇద్దరు కలసి జీవించే హక్కును తాత్కాలికంగా న్యాయస్థానం రద్దు చేస్తుంది. మీ భర్త లేదా అతడితో దూరంగా వున్న మీరు పునరాలోచించుకుని లోటుపాట్లను సవరించుకుని మళ్లి కలసి వుండాలని కూడా న్యాయస్థానం అవకాశం కల్పిస్తుంది.
జి. మనోహర్
(And get your daily news straight to your inbox)
Mar 16 | తన భర్తకు వారసత్వంగా సంక్రమించిన ఆస్తిని.. అతడి మరణం తరువాత తమ కుటుంబంలోని వ్యక్తులకు అందించవచ్చునని దేశ సర్వోన్నత న్యాయస్థానం సుప్రీంకోర్టు వెల్లడించింది. కుటుంబం అంటే కేవలం భర్త తరపు వారు మాత్రమే కాదని..... Read more
Nov 30 | మీ త్లలిదండ్రుల ఇంట్లోంచి మిమ్మల్ని వెళ్లిపోమని అన్నారంటే అందుకు గల కారణాలను తెలిపాలి. మంచి పనులు చేస్తే వెళ్లిమన్నారా..? లేక దేని గురించి వెళ్లిపోమన్నారన్నది మీరు తెలియజేయలేదు. ఇక మంచి పనులతో ఇబ్బందులు వస్తాయని... Read more
Oct 03 | నేను ముస్లిం.. నాకు బాల్యవివాహాల చట్టం వర్తిస్తుందా..? అన్న అనుమానాలను పటాపంచలు చేస్తూ మద్రాసు కోర్టు తరువాత గుజరాత్ హైకోర్టు కూడా బాల్య వివాహ నిరోధక చట్టంపై స్పష్టమైన అదేశాలను జారీ చేసింది. ఈ... Read more
Jul 15 | నాకు డయాబిటిస్ వుంది..? నాకు వారసత్వంగా షుగర్ వ్యాధి సంక్రమించింది. అయితే నేను ప్రభుత్వ ఉద్యోగానికి పనికిరానా..? అన్న ప్రశ్న సాధరణంగా చాలా మందిలో తలెత్తుతుంది. అయితే తాజాగా మద్రాసు హైకోర్టు వెల్లడించిన తీర్పు... Read more
Jul 02 | నేను నా భర్తకు రెండో భార్యను, ఆయన మొదటి భార్య 2005లోనే కన్నమూసింది. ఆయన కూడా 2011లో మరణించారు. ఈ నేపథ్యంలో నాకు నా భర్త పించను లభిస్తుందా..? అన్న సందేహాలు చాలా మంది... Read more