Posted: 06/21/2012 03:38 PM IST

జగన్ ను హత్య చెయ్యటానికి కుట్ర  జరుగుతుందని  వైఎస్ఆర్ కాంగ్రెస్  పార్టీ నాయకులు  అనుమానం వ్యక్తం చేస్తున్నారట. జగన్ పార్టీ నాయకులు మళ్లీ కుట్ర అనే పదాన్ని ఆయుధంగా తీసుకొని తెరపైకి వచ్చినట్లు తెలుస్తుంది. ఈసారి ఏకంగా  కాంగ్రెస్, తెలుగుదేశం , సిబిఐలు కలిసి కుట్ర చేస్తున్నారని జగన్ పార్టీ ఎమ్మెల్యేలు ఆరోపిస్తున్నారు.  అందుకోసం  పార్టీ కార్యకర్తలు , ఎమ్మెల్యేలు  కలిసి రోడ్లపై ధర్నలు కూడా  చేస్తున్నట్లు  మీడియా వర్గాలు అంటున్నాయి .  అసలు ఈ వార్తలు ఎవరు పుట్టిస్తున్నారు?  ఎలా వస్తున్నాయి.  పోలీస్,  సిబిఐల  కంటే .. జగన్ పార్టీ నాయకులకు ముందుగా ఎలా తెలుస్తున్నాయి ? ఇప్పటి వరకు రాష్ట్ర ప్రజలు  జగన్ గురించి మాట్లాడుకుంటున్నారు. ఇప్పుడ జగన్ పార్టీ నాయకులు  జగన్ హత్య గురించి తెరపైకి తేవటంతో  రాష్ట్ర ప్రజల్లో జగన్ హత్య అనేది పెద్ద టాపిక్ మారిపోతుందని  మీడియా వర్గాలు అంటున్నాయి.  అసలు జగన్ ను హత్య చేయటానికి ఎవరికి అవసరం ఉంటుంది?  అనే ప్రశ్నలు  ప్రజల మనసుల్లో తలెత్తుతున్నాయి.   

జగన్ పార్టీ నాయకులు మాత్రం  సిబిఐ లక్ష్మీనారాయణకు చెందిన  మూడు మొబైల్ ఫోన్  నెంబర్ల నుండి ఎవరెవరికి  ఎన్ని ఫోన్ కాల్స్ వెళ్లాయనే విషయాన్ని  జగన్ ఎమ్మెల్యేలు  బయట పెట్టారు.   సిబిఐ ని అడ్డం పెట్టుకొని  కాంగ్రెస్, తెలుగుదేశం పార్టీలు  జగన్  ను హత్య చేసేందుకు  కుట్ర  చేస్తున్నారంటూ  జగన్ పార్టీ నాయకులు అంటున్నారు.  జగన్ ను హత్య చెయ్యటానికి  వాసిరెడ్డి  చంద్రబాల  అనే మహిళను ఉపయోగిస్తున్నట్లు  జగన్ వర్గం అంటుంది.  అసలు ఎవరీ చంద్రబాల అంటే..  సిబిఐ జేడీ  లక్ష్మీనారాయణ కొన్ని వందల సార్లు  ఆమెతో మాట్లాడినట్లు  జగన్ పార్టీ ఎమ్మెల్యేలు  అంటున్నారు.  దీని కారణం ఏమిటయ్య అంటే.. చంచల్ గుడా జైల్లో   ప్రతి రోజు కరెంటు పోతుందట.  జైలులో  జనరేటర్  ఉన్నా తరుచుగా  కరెంట్  పోవటమే దీనికి కారణం అని జగన్ పార్టీ నాయకులు అంటున్నారు.  జైలులో  ప్రతి రోజు ఎవరు కరెంటు తీస్తున్నారని ఆపార్టీ కార్యకర్తలు అడుగుతున్నారు.  దీనిపై విచారణ జరపాలని జగన్ పార్టీ ఎమ్మెల్యేలు  డిమాండ్  చేస్తున్నారని మీడియా వర్గాలు అంటున్నాయి .