Posted: 05/05/2012 06:24 PM IST

ఎన్టీ రామారావు ఆ భవన్‌ను నిర్మించినప్పుడు మన తెలుగువారెవరైనా అక్కడికి వెళితే భోజన, ఫలహారాల కోసం.. అందులో క్యాంటీన్‌ను కూడా ఏర్పాటు చేయించారు. దీని నిర్వహణ బాధ్యతలను సాయి క్యాటరర్స్‌కు అప్పగించారు. ఆ తర్వాత పలువురు సీఎంలు మారినా పాతికేళ్లుగా వాళ్లే క్యాంటీన్‌ను నడిపిస్తున్నారు. అయితే దీనిపై కన్నేసిన కొందరు.. క్యాంటీన్ కాంట్రాక్టు తమకు దక్కేలా చూడాలంటూ సీఎం బంధువులను ఆశ్రయించారు.ఒక్క ఢిల్లీ ఫోను.. సీఎం కిరణ్‌కుమార్‌రెడ్డిని ఉరుకులు పరుగులు పెట్టించింది! రొటీన్ ఫైళ్ల సంగతి దేవుడెరుగు, అత్యవసర ఫైళ్లనూ 'చూద్దాంలే' అన్నట్లుంటారంటూ విమర్శలనెదుర్కొనే ముఖ్యమంత్రిని హడావుడిగా కదిలేలా చేసింది!! ఢిల్లీ పెద్దలు చెప్పడమే తరువాయి.. సంబంధిత ఫైలును ఆగమేఘాల మీద తెప్పించుకుని క్లియర్ చేసేశారు. విశ్వసనీయ సమాచారం ప్రకారం.. అది ఢిల్లీలోని ఆంధ్రప్రదేశ్ భవన్(ఏపీ భవన్)లోని క్యాంటీన్‌కు సంబంధించిన వ్యవహారం.

ఈ నేపథ్యంలో పాత వారిని కాదని.. క్యాంటీన్ నిర్వహణకు టెండర్లు పిలవాలని అధికారులు తలపెట్టారు. ఆ దిశగా కసరత్తు కూడా ప్రారంభించారు. ముఖ్యమంత్రి సైతం టెండర్లు నిర్వహిస్తేనే మంచిదని, పారదర్శకంగా ఉంటుందని భావించారు. ఇంతవరకూ బాగానే ఉంది. ఇక్కడే హఠాత్తుగా హైకమాండ్ రంగంలోకి దిగి, సీఎంకు ట్విస్ట్ ఇచ్చింది! టెండర్లు వద్దు.. క్యాంటీన్ నిర్వహణ బాధ్యతలను గత నిర్వాహకులకే నామినేషన్‌పై అప్పగించండంటూ ఉదయాన్నే ఫోన్‌లో హుకుం జారీ చేసింది. ఢిల్లీ నుంచి రాష్ట్ర వ్యవహారాలు చూసే ఓ పెద్ద నుంచి వచ్చిన ఆ ఫోనుతో సీఎం ఒక్కసారిగా అప్రమత్తమైపోయారు.సాధారణంగా కీలకాంశాల ఫైళ్లను సైతం క్లియర్ చేసేందుకు ఎంతో సమయం తీసుకుంటారన్న అపప్రథ ఉన్న సీఎం.. ఢిల్లీ ఫోనుతో ఫైలును వేగంగా పరుగులు పెట్టించేందుకు స్వయంగా కదిలారు. టెండర్ల నిర్ణయాన్ని విరమించుకుని, సాయి క్యాటరర్స్‌కే నామినేషన్ పద్ధతిన క్యాంటీన్‌ను కట్టబెట్టేలా ఫైలు సిద్ధం చేయాలని అధికారులకు ఆదేశాలిచ్చి, సాయంత్రమయ్యేసరికి ఫైలును తన వద్దకు తుది ఆమోదం కోసం తెప్పించుకున్నారు కూడా! అసలే ఢిల్లీలో తన పరపతి నానాటికీ దిగజారిపోతున్న సంకేతాల నేపథ్యంలో.. అక్కడి పెద్దలు చెప్పిన పనులు కూడా చేయకపోతే పరిస్థితి ఎలా ఉంటుందోనన్న భయమే సీఎంను ఇలా పరుగులు పెట్టించిందన్న గుసగుసలు వినిపించడం కొసమెరుపు!