Posted: 11/23/2011 12:10 PM IST

బొత్స సత్యనారాయణ పీసీసీ పదవి చేపట్టినప్పటి నుండి తనదైన శైలిలో దూసుకుపోతున్నాడు.  మొన్న జరిగిన తెలంగాణ సమ్మె విరమణలో జోక్యం చేసుకొని తనదైన పద్దతిలో పరిష్కారం చూపారు. అదే విధంగా తెలంగాణ విషయంలో కూడా బొత్స తన దైన శైలిని ప్రదర్శిస్తున్నాడు.

తాజా బొత్స మరో ముందడుగు వేశారు. ఈ సారి ఏకంగా బి,సి. కులస్తులకు సపోర్టుగా నిలిచాడు. జూబ్లీ హాలులో జరిగిన బీసీల రౌండ్ టేబుల్ సమాశంలో ముఖ్యఅతిథిగా బొత్స పాల్గొన్నాడు. ఈ సమావేశంలో బీసీ స్పెషల్ ప్లాన్ ఏ విధంగా రూపొందించాలనే దాని పై ఈ సమావేశం జరిగింది.

అయితే ఆంధ్రప్రదేశ్ మొత్తం జనాభాలో 50% బిసీలే ఉన్నారు. ఈ బీసీల కోసం ఓ స్పెషల్ ప్లాన్ రూపొందించాలనే డిమాండ్ సరైనదేనని... ఈ డిమాండ్ ను అందరు అంగీకరిస్తారని, ప్లాన్ అంశాన్ని ప్రస్తావిస్తూ డిసెంబర్ 1 నుండి జరగనున్న అసెంబ్లీ సమావేశాల్లో ఈ అంశం ప్రస్తావనకు  వచ్చే విధంగా ప్రయత్నం చేయండని బీసీ సంఘ ఎమ్మెల్యేలకు సూచించారు.  తాను కూడా ఈ ప్లాన్ కి తనవంతు సహకారం అందిస్తానని చెప్పారు.

అయితే కొందరు మాత్రం బీసీ ప్లాన్ కి బొత్స మద్దతు ఇవ్వటానికి వెనుక... తను భవిష్యత్తులో సీఎం పదవి కోసం ప్రయత్నాలు చేస్తున్నాడని, టీడీపీకి ఆయుపట్టుగా ఉన్న బీసీల ఓటు బ్యాంకు కొల్లగొట్టడానికి బొత్స బీసీలతో రౌండ్ టేబుల్స్ సమావేశాలు ఏర్పాటు చేస్తున్నాడని అనుకుంటున్నారు.

అంతే కాకుండా కిరణ్ పథకాలు, రచ్చబండ కార్యక్రమాలలో ఉంటే, చంద్రబాబు ఢిల్లీలో తన కేసు పై బిజీగా ఉంటే ఎవరు లేని సమయంలో సత్తిబాబు రౌండ్ టేబుల్ సమావేశాలంటూ తనదైన స్టైల్లో దూసుకుపోతున్నాడని అనుకుంటున్నారు.