అభిమానుల మరణం.. గుండెను కలిచివేసింది: చిరంజీవి

Posted: 09/02/2020 06:32 PM IST

జనసేన అధినేత, సినీనటుడు పవన్ స్టార్ ప‌వ‌న్ క‌ల్యాణ్ జ‌న్మ‌దినాన్ని పురస్కరించుకుని చిత్తూరు జిల్లాలో ఆయన అభిమానులు వేడుక‌ల ఏర్పాట్ల‌ నేపథ్యంలో  ఫ్లెక్సీలు కడుతూ విద్యుద్ఘాతంతో ముగ్గురు మరణించిన ఘటనపై మెగాస్టార్ చిరంజీవి తన తీవ్ర దిగ్భ్రాంతిని వ్యక్తం చేశారు. చిత్తూరు జిల్లా శాంతిపురం మండలంలో చోటు చేసుకున్న విషాధఘటనపై ఆయన మాట్లాడుతూ ఈ దుర్ఘటన తన హృదయాన్ని కలచి వేసిందని అవేదన వ్యక్తం చేశారు. తమకు నిత్యం అండగా వుండే అభిమానులు.. అతిపిన్న వయస్సులోనే ఇలా తిరిగిరాని లోకాలకు వెళ్లడం.. కలచివేస్తోందని అన్నారు.

బాధిత అభిమానుల కుటుంబాలకు తన ప్రగాఢ సంతాపాన్ని వ్యక్తం చేసిన చిరంజీవి.. ఇక గాయాలపాలై ఆసుపత్రుల్లో చికిత్స పోందుతున్న మరో ముగ్గరు అభిమానుల కుటుంబాలకు కూడా తమ సానుభూతిని వ్యక్తం చేశారు. ఈ మేరకు ఆయన తన ట్వీట్ చేశారు. 'చిత్తూరులో పవన్ పుట్టినరోజు సందర్భంగా బ్యానర్ కడుతూ విద్యుత్ షాక్ తో  ముగ్గురు మరణించటం నా గుండెను కలిచివేసింది. వారి  కుటుంబాలకి నా ప్రగాఢ సానుభూతి. అభిమానులు  ప్రాణప్రదంగా ప్రేమిస్తారని తెలుసు. కానీ, మీ ప్రాణం విషయంలో జాగ్రత్తగా ఉండాలి. మీ కుటుంబానికి మీరే సర్వస్వం' అని చిరంజీవి ట్వీట్ చేశారు.

చిత్తూర్ లో పవన్ birthday కి బ్యానర్ కడుతూ విద్యుత్ షాక్ తో ముగ్గురు మరణించటం గుండెను కలిచివేసింది. వారి కుటుంబాలకి నా ప్రగాఢ సానుభూతి. అభిమానులు ప్రాణప్రదంగా ప్రేమిస్తారని తెలుసు. కానీ మీ ప్రాణం విషయంలో జాగ్రత్తగా ఉండాలి. మీ కుటుంబానికి మీరే సర్వస్వo..

— Chiranjeevi Konidela (@KChiruTweets) September 2, 2020