బాలీవుడ్ హిట్ రీమేక్ లో జ్యోతిక

Posted: 02/28/2018 02:31 PM IST

కథానాయిక ప్రాధాన్యత కలిగిన పాత్రలకు నటి విద్యాబాలన్ పేరొందింది. ఎంతటి బలమైన కథనైనా ఆమె అవలీలగా ముందుకు తీసుకెళుతుంది. అలా ఆమె చేసిన కథానాయిక ప్రాధాన్యత కలిగిన సినిమాల్లో 'తుమ్హారి సులు' ఒకటి. గతేడాది వచ్చిన ఈ సినిమా అక్కడ భారీ విజయాన్ని సొంతం చేసుకుంది.

ఈ సినిమాను తమిళంలో జ్యోతిక రీమేక్ చేసే అవకాశాలు వున్నాయనే వార్త ఒకటి ఇటీవల షికారు చేసింది. హిందీలో విద్యాబాలన్ చేసిన పాత్రను పోషించడానికి జ్యోతిక గ్రీన్ సిగ్నల్ ఇచ్చేసిందనేది తాజా సమాచారం. ఈ మేరకు జ్యోతిక భర్త సూర్య ఈ విషయాన్ని స్వయంగా తెలియజేశాడు.

రాధామోహన్ దర్శకత్వంలో మే నెలలో ఈ సినిమా రెగ్యులర్ షూటింగ్ మొదలుకానుంది. ఈ సినిమా తన కెరియర్లో చెప్పుకోదగినదిగా నిలుస్తుందనే నమ్మకంతో జ్యోతిక వున్నారు.

Happy to announce that Director #RadhaMohan and Jo are working together again after #Mozhi Hoping to see the magic repeat. All the best to the entire Team and Producer @dhananjayang sir @BOFTAindia congratulations!

— Suriya Sivakumar (@Suriya_offl) February 28, 2018