వెంకీ తేజ కొత్త చిత్రం ప్రారంభం

Posted: 12/04/2017 06:28 PM IST

టాలీవుడ్ సీనియర్ హీరో వెంకటేశ్ కమర్షియల్ చిత్రాలే కాదు.. ప్రయోగాత్మక చిత్రాలకు కూడా ఎప్పుడూ ముందుంటాడు. కాస్త గ్యాప్ తర్వాత గురుతో హిట్ కొట్టిన ఈ దగ్గుబాటి హీరో.. ఇప్పుడు తేజ దర్శకత్వంలో మరో ప్రయోగానికి సిద్ధమైపోతున్న విషయం తెలిసిందే.

ఈ చిత్రం నేడు అధికారికంగా లాంఛ్ అయ్యింది. నేనే రాజు నేనే మంత్రి చిత్రం హిట్ తో మళ్లీ ఫామ్ లోకి వచ్చిన తేజ మరోసారి అలాంటి తరహా కథతోనే రాబోతున్నాడని చెప్పుకుంటున్నారు. సురేశ్ ప్రోడక్షన్ బ్యానర్ లోనే ఈ చిత్రం తెరకెక్కబోతోంది.

పరచూరి గోపాల కృష్ణ, నటుడు రాజా రవీంద్ర, దర్శకుడు తేజ మినహా మరే బడా స్టార్లు ఈ చిత్ర ఓపెనింగ్ కు హాజరుకాలేదు. వీరిద్దరి ఫ్రెష్ కాంబో కావటంతో అంచనాలు అప్పుడే పెరిగిపోయాయి. ఆటా నాదే.. వేటా నాదే.. టైటిల్ పరిశీలనలో ఉన్న విషయం తెలిసిందే. త్వరలో మిగతా పాత్రలను ఎంపిక చేసి రెగ్యులర్ షూటింగ్ ప్రారంభించబోతున్నారు.