యాడ్ డబ్బులను విరాళంగా ఇచ్చిన కోలీవుడ్ హీరో

Posted: 11/11/2017 09:29 AM IST

పారితోషకం కోసం మేకర్లను వేధిస్తున్న స్టార్లు ఉన్న ఈరోజుల్లో ఓ యాడ్ ద్వారా వచ్చిన సొమ్ము మొత్తం ఓ మంచి కార్యానికి ఇచ్చేశాడు ఓ కోలీవుడ్ హీరో. వరుస హిట్లతో ఊపు మీద ఉన్న మక్కల్ సెల్వన్ విజయ్ సేతుపతి సుమారు 50 లక్షల డబ్బును పేద విద్యార్థులకు పంచాడు.

నీట్ పరీక్ష కోసం ఆత్మహత్య చేసుకున్న అరియాలూర్ విద్యార్థిని అనిత జ్నాపకార్థం ఈ పని చేస్తున్నట్లు ఆయన ప్రకటన చేశాడు. ‘‘డాక్టర్ కావాలన్న అనిత కల నెరవేరదన్న భయంతో ప్రాణాలు తీసుకుంది. అందుకే ఆమె కోసం గుర్తుగా ఈ సాయం చేస్తున్నా’’ అని విజయ్ ప్రకటనలో తెలియజేశారు.

అనిల్ గ్రూప్ కోసం చేసినా ఈ యాడ్ ద్వారా వచ్చిన సొమ్మును అరియాలూర్ జిల్లాలోని విద్యార్థులకు అందజేశాడు. 774 అంగన్ వాడీలకు 5000 రూపాయల చొప్పున 38,70,000.. 21 వికలాంగ పాఠశాలలకు 50,000 రూపాయల చొప్పున 10,50,000 రూపాయాలు ఓవరాల్ గా 49, 70,000 రూపాయలను అందించినట్లు తెలుస్తోంది.