సాహోలో శ్రద్ధ కపూర్ కన్ఫర్మ్.. నిధికి ఛాన్స్ మిస్

Posted: 08/16/2017 11:45 AM IST

ప్రభాస్ 'సాహో' సినిమాకి మొత్తానికి సస్సెన్స్ కి తెర దించుతూ బాలీవుడ్ భామనే ఫైనలైజ్ చేసేశారు. అనుష్క, పరిణితి, పూజాహెగ్డే ఇలా పేర్లు వినిపించినప్పటికీ చివరకు ఆషికి 2 హీరోయిన్ శ్రద్ధా కపూర్ కే ఆ ఛాన్స్ దక్కింది. దాదాపు డజన్ పైగా సినిమాల్లో నటించిన ఈ బాలీవుడ్ భామ పేరు గత కొన్ని రోజులుగా వినిపిస్తున్నప్పటికీ, చివరకు నిన్న కన్ఫర్మ్ చేస్తూ యూవీ క్రియేషన్స్ ఓ ట్వీట్ వేసింది.

నిజానికి ఈ ఆఫర్ మరో బాలీవుడ్ బ్యూటీకే దక్కాల్సి ఉందట. టైగర్ ష్రాఫ్ తో మున్నా మైఖేల్ హిట్ నటించిన బెంగళూర్ భామ నిధి అగర్వాల్ కు ఆ ఛాన్స్ ఇవ్వాలనుకున్నారంట. కానీ రీసెంట్ గా రిలీజైన ఆ సినిమా డిజాస్టర్ కావటంతో ఆ ఆలోచనను 'సాహో' దర్శక నిర్మాతలు విరమించుకున్నారు. ఫలితంగా ఛాన్స్ కాస్తా శ్రద్ధా కపూర్ కి వెళ్లినట్లు తెలుస్తోంది. అంతేకాదు ఏకంగా 4 కోట్ల పారితోషకంతో శ్రద్ధాను ఈ ఆఫర్ వరించినట్లు బాలీవుడ్ మీడియా కథనాలు వెలువరిస్తోంది.

యూవీ క్రియేషన్స్ బ్యానర్ పై 150 కోట్ల రూపాయల బడ్జెట్ తో రూపొందుతోన్న ఈ సినిమాకి, శంకర్ - ఎహసాన్ - లాయ్ సంగీతాన్ని సమకూర్చుతున్నారు. ఆరు నెలలు వరుస షూటింగ్ తో సినిమాను పూర్తి చేసి వచ్చే ఆగష్టు నాటికి రిలీజ్ కు ఫ్లాన్ చేస్తున్నారు. మరోవైపు ఇదే ఏడాది ప్రభాస్ మరో చిత్రం కూడా షూటింగ్ మొదలయ్యే అవకాశం ఉన్నట్లు తెలుస్తోంది.