పిరియాడికల్ మూవీ లో ప్రభుదేవా

Posted: 02/04/2017 10:50 AM IST

ఈ మధ్య అన్ని భాషల్లో వరుసబెట్టి పిరియాడికల్ చిత్రాలు వచ్చేస్తున్నాయి. భారీ బడ్జెట్ పెట్టేందుకు నిర్మాతలు వెనకాడకపోవటం, పైగా కంటెంట్ ను నమ్ముతూ స్టార్ హీరోలు కూడా స్వచ్ఛందంగా ముందుకు వస్తుండటంతో ఆ రిస్క్ కు క్రేజ్ కూడా అదే రేంజ్ లో ఉంటోంది. తెలుగులో మగధీర తర్వాత కొంచెం గ్యాప్ తోనే మళ్లీ వాటి ఊపు అందుకుంది. లెక్కల మాస్టర్ సుకుమార్ కూడా చెర్రీ తీయబోయేది కూడా ఈ జోనర్ చిత్రమే.

ఇదిలా ఉంటే త్వరలో కోలీవుడ్ లో కూడా ఇలాంటి మరో భారీ చిత్రమే రాబోతుందంట. అయితే అందులో నటించబోయేది స్టార్ హీరో కానే కాదు. డాన్సింగ్ కింగ్ ప్రభుదేవాతో పీరియాడికల్ సినిమాను తీయబోతున్నాడు ఓ డెబ్యూ డైరక్టర్. శంకర్, బాల దగ్గర శిష్యరికం చేసిన ఎంఎస్ అర్జున్ అనే అసిస్టెంట్ డైరక్టర్ 1980 నేపథ్యంలో ఈ చిత్రాన్ని తెరకెక్కించబోతున్నాడు. భారీ బడ్జెట్ తో తెరకెక్కబోతున్న ఈ చిత్రంలో ఓ స్టార్ హీరోయిన్ ను నటింపజేసేందుకు ప్రయత్నాలు జరుగుతున్నాయంట.

తమ ఊళ్లో నెలకొన్న సమస్యను పరిష్కారం కోసం ఓ తండ్రి తన కొడుకును కుంగు ఫూ నేర్చుకోవాల్సిందిగా చైనాకు పంపటం, అక్కడ ఆ యువకుడికి ఎదురయ్యే కష్టాలు, ఎలాగోలా ఆ విద్య నేర్చుకుని తన గ్రామాన్ని ఎలా కాపాడుకున్నాడు.. అనే ఇతివృత్తంతో ఈ సినిమా ఉండబోతుందంట. యుంగ్ ముంగ్ సంగ్ పేరుతో తెరకెక్కబోతున్న ఈ కామెడీ ఎంటర్ టైనర్ షూటింగ్ ఈనెలలోనే ప్రారంభించుతున్నట్లు సమాచారం. కెమెరామెన్ కమ్ డైరక్టర్ తంగర్ బచ్చన్ ఓ కీలకపాత్ర పోషించబోతున్న ఈ చిత్రానికి అగ్రశ్రేణి టెక్నీషియన్స్ పనిచేయబోతున్నట్లు సమాచారం.