తప్పతాగి షూటింగ్ లో పాల్గొన్న హన్సిక

Posted: 02/03/2017 11:33 AM IST

అందాల భామ హన్సిక గతేడాది నాలుగు తమిళ చిత్రాలతో సందడి చేసింది. అయితే అందులో ఓ ఒక్కటీ కూడా సక్సెస్ కాలేదు. ఈ యేడాది గ్యాప్ తర్వాత లక్కున్నోడు చేసినా లక్కు కలిసి రాలేదు. అయితే పట్టుమని పదిరోజులు కూడా తిరగక ముందే కోలీవుడ్ లో మరో సినిమాతో సందడి చేసింది. తనిఒరువన్ కాంబో జయం రవి-అరవింద స్వామిల బోగన్ నిన్ననే రిలీజ్ అయ్యింది. ఇందులో హన్సిక గ్లామర్ ఓ రేంజ్ లో పండించేసింది.

ఈ సినిమా షూటింగ్ లో ఓ రోజు ఫుల్ గా తాగి సెట్స్ కి వచ్చిందంట. ఈ విషయాన్ని స్వయంగా ప్రమోషన్ లో హన్సికనే చెబుతోంది. అయితే అది కేవలం ఓ సన్నివేశం కోసమేనని అంటోంది. బోగన్ లో ఓ సన్నివేశంలో హన్సిక డ్రింకింగ్ సీన్ లో నటించాల్సి వచ్చిందంట. ఆ సీన్ ను పండించడం కోసం హన్సిక నిజంగా తాగటానికి సిద్ధమైపోయింది. దర్శకుడు వద్దన్నా సరే ఓ రోజు గ్యాప్ ఇమ్మని చెప్పి నెక్స్ట్ డే ఫుల్ గా తాగి సెట్స్ కు వెళ్లిందంట.

ఆపై పది రోజులపాటు ఇలా తాగే సీన్ లో నటించేందుకు తాగుతూనే ఉందంట. మద్యం మత్తులో కొంచెం రచ్చ చేసినా, సీన్ మాత్రం అద్భుతంగా వచ్చిందని దర్శకనిర్మాతలు ఖుషీ అయ్యారని చెప్పుతోంది ఈ మిల్కీ భామ. కానీ, సినిమాలో ఈ డ్రింకింగ్ సీన్ కు మంచి రెస్పాన్స్ వస్తున్నప్పటికీ, పాపం సినిమాకు మాత్రం నెగటివ్ రివ్యూలు రావటంతో తెగ ఫీలయిపోతుందని సమాచారం.