మే నెలలో రామ్ కొత్త సినిమా షూటింగ్ స్టార్ట్

Posted: 04/09/2016 01:07 PM IST

‘శివమ్’, ‘నేను శైలజ’ చిత్రాల తర్వాత ఎనర్జిటిక్ స్టార్ రామ్ హీరోగా ఓ కొత్త చిత్రం తెరకెక్కనుంది. ‘కందిరీగ’ వంటి బ్లాక్ బస్టర్ హిట్ తర్వాత రామ్ హీరోగా దర్శకుడు సంతోష్ శ్రీనివాస్ కాంబినేషన్లో తాజాగా ఓ చిత్రం తెరకెక్కనుంది. ఈ చిత్రాన్ని భారీ బడ్జెట్ నిర్మాణ సంస్థ 14రీల్స్ ఎంటర్ టైన్మెంట్ నిర్మిస్తోంది. తాజాగా ఈ చిత్ర ముహూర్త కార్యక్రమాలను ఉగాది సంధర్భంగా జరుపుకున్నారు.

ప్రీ ప్రొడక్షన్ కార్యక్రమాలు శరవేగంగా జరుగుతున్నాయి. ఈ చిత్ర రెగ్యులర్ షూటింగ్ మే మూడవ వారం నుంచి ప్రారంభించడానికి చిత్ర యూనిట్ సన్నాహాలు చేస్తున్నారు. లవ్ అండ్ యాక్షన్ ఎంటర్ టైనర్ గా రూపొందనున్న ఈ చిత్రానికి జిబ్రన్ సంగీతం అందించనున్నాడు. ప్రముఖ నిర్మాతలు రామ్ ఆచంట, గోపి ఆచంట, అనిల్ సుంకర సంయుక్తంగా నిర్మించనున్నారు.