అంచనాలు పెంచేసిన శౌర్య ట్రైలర్.. పాటలు విడుదల

Posted: 02/01/2016 10:19 AM IST

దశరథ్ దర్శకత్వంలో మంచు మనోజ్, రెజీనా జంటగా నటిస్తున్న తాజా చిత్రం ‘శౌర్య’. బేబి త్రిష సమర్పణలో సురక్ష్‌ ఎంటర్‌టైన్‌మెంట్స్‌ ఇండియా ప్రై.లి.బ్యానర్‌పై శివకుమార్‌ మల్కాపురం నిర్మిస్తున్నారు. వేదా.కె సంగీతం అందించిన ఈ చిత్ర ఆడియో విడుదల కార్యక్రమం ఆదివారం హైదరాబాద్ శిల్పకళావేదికలో ఘనంగా జరిగింది.

థియేటర్ ట్రైలర్, బిగ్ సీడీని మంచు మోహన్ బాబు ఆవిష్కరించారు. ఆడియో సీడీలను బి.గోపాల్ విడుదల చేసారు. ఈ కార్యక్రమంలో మంచు మోహన్ బాబు, శ్రీమతి మంచు నిర్మల, బ్రహ్మానందం, ఎమ్మెల్యే రసమయి బాలకిషన్ తదితరులు పాల్గొన్నారు.

ఇప్పటికే విడుదలైన టీజర్ కు మంచి రెస్పాన్స్ వస్తోంది. ఇందులో మనోజ్ చాలా సింపుల్, క్లాసీ లుక్ లో కనిపిస్తున్నాడు. ఇప్పటికే ఈ సినిమాపై మంచి అంచనాలు నెలకొన్నాయి. ఫ్యామిలీ లవ్ థ్రిల్లర్ ఎంటర్ టైనర్ గా రూపొందుతున్న ఈ చిత్రం సెన్సార్ సహా అన్నీ కార్యక్రమాలను పూర్తి చేసి సినిమాను ఫిభ్రవరి రెండో వారంలో విడుదల చేయాలని చిత్ర నిర్మాతలు భావిస్తున్నారు. త్వరలోనే ప్రేక్షకుల ముందుకు రానుంది.