గాయాలపాలైన కన్నడ హాట్ భామ రాగిణి

Posted: 08/24/2015 03:32 PM IST

కన్నడ సినీ ఇండస్ట్రీలో హాట్ హీరోయిన్ గా కొనసాగుతున్న రాగిణి ద్వివేదీ తీవ్రంగా గాయపడింది. ప్రస్తుతం రాగిణి నటిస్తున్న తాజా చిత్రం ‘నానే నెక్స్ట్ సీఎం’. ఈ చిత్ర షూటింగ్ ప్రస్తుతం మైసూర్ సమీపంలో జరుగుతోంది. ఆదివారం రాగిణీ పై ఓ భారీ యాక్షన్ సీన్ ను చిత్రీకరించారు.

ఈ చిత్రీకరణ సమయంలో ఓ ఫైటర్ విసిరిన హాకీ స్టిక్ ను తప్పించుకునే సన్నివేశంలో.. ఆ స్టిక్ అనుకోకుండానే నేరుగా రాగిణి తలకు తగిలింది. దీంతో తీవ్రంగా రక్తం పోతుండటంతో వెంటనే దగ్గరలోని ఓ ప్రైవేట్ హాస్పిటల్లో రాగిణీని చేర్చారు. ప్రస్తుతం ఐసీయూలో చికిత్స పొందుతున్న రాగిణి ఆరోగ్య పరిస్థితి నిలకడగా వుందని డాక్టర్లు తెలిపారు.

ఈ అమ్మడికి కన్నడ సినీ ఇండస్ట్రీల్లో భారీ క్రేజ్ వుంది. ఈ అమ్మడు తన అందచందాలతో అక్కడి ప్రేక్షకులకు పిచ్చెక్కించేస్తోంది. తెలుగులో కూడా ఈ అమ్మడు ‘జెండాపై కపిరాజు’ చిత్రంలో నటించింది. మరి రాగిణి త్వరలోనే మళ్లీ సినిమా షూటింగ్ లో పాల్గొంటదని ‘నానే నెక్స్ట్ సీఎం’ ధీమాగా, ధైర్యంగా వున్నారు.