త్రిష అంటే చాలా ఇష్టమంటున్న సకలకళావల్లవన్

Posted: 07/28/2015 10:46 AM IST

Jayam ravi talks about trisha in sakalakalavallavan appatakkar press meet

జయం రవి హీరోగా త్రిష, అంజలి హీరోయిన్లుగా నటించిన తాజా చిత్రం ‘సకలకళావల్లవన్’. లక్ష్మీ మూవీ మేకర్స్ బ్యానర్లో రూపొందిన ఈ చిత్రానికి సురాజ్ దర్శకత్వం వహించారు. త్రిష అంటే తనకు ఇష్టమంటూ బహిరంగంగా ప్రకటించేసాడు జయం రవి.

ఈ చిత్రాన్ని ఈనెల 31న విడుదల చేయనున్నారు. ఈ సంధర్భంగా చిత్ర యూనిట్ మీడియా సమావేశం ఏర్పాటు చేసారు. ఈ సంధర్భంగా జయం రవి మాట్లాడుతూ... వివాహ వ్యవస్థ మరీ దారుణంగా తయారయ్యిందని, మరో పదేళ్లలో భార్యభర్తలు ఇద్దరూ కలిసుంటేనే అది జాయింట్ ఫ్యామిలీ అని అనుకునే పరిస్థితి ఏర్పడేలా వుందని, అలాంటి పరిస్థితి రాకూడదనే చెప్పే ప్రయత్నం ఈ సినిమా ద్వారా చేసామని చెప్పుకొచ్చాడు.

అయితే త్రిషతో మూడోసారి సినిమా చేయడానికి గల కారణమేంటని మీడియా అడిగిన ఓ ప్రశ్నకు జయంరవి సమాధానమిస్తూ.... సహజంగానే త్రిష అంటే తనకు చాలా ఇష్టమని, కొన్ని సన్నివేశాలలో త్రిష నటనను చూసి విస్మయం చెందానని, ఈ సినిమాలోని త్రిష పాత్రకు మంచి పేరు వస్తుందని చెప్పుకొచ్చాడు.

ఈ కార్యక్రమంలో జయంరవి, త్రిష, అంజలి, దర్శకుడు సురాజ్ పాల్గొన్నారు. ఇప్పటికే విడుదలైన ట్రైలర్ కు మంచి రెస్పాన్స్ వస్తుంది. ఈ చిత్రం ఈనెల 31న గ్రాండ్ గా విడుల చేయనున్నారు. మరి ఈ సినిమా ఎలాంటి విజయం సాధించనుందో త్వరలోనే తెలియనుంది.