అమ్ముడుపోయిన మహేష్ శ్రీమంతుడు శాటిలైట్ రైట్స్

Posted: 06/18/2015 11:18 AM IST

Zee telugu bags srimanthudu satellite rights

‘మిర్చి’ తర్వాత కొరటాల శివ దర్శకత్వంలో తెరకెక్కిస్తున్న తాజా చిత్రం ‘శ్రీమంతుడు’. మహేష్ బాబు, శృతిహాసన్ జంటగా నటిస్తున్న ఈ చిత్ర షూటింగ్ దాదాపు చివరి దశకు చేరుకుంది. ఈ చిత్ర షూటింగ్ జూన్ 27కు పూర్తి చేయడానికి సన్నాహాలు చేస్తున్నారు. దేవి శ్రీ ప్రసాద్ సంగీతం అందిస్తున్నాడు.

ఈ చిత్ర శాటిలైట్ రైట్స్ ను భారీ మొత్తానికి ప్రముఖ జీ తెలుగు ఛానెల్ వారు సొంతం చేసుకున్నారు. జగపతి బాబు, సుకన్య, రాహుల్ రవీంద్రన్ తదితరులు కీలక పాత్రలలో నటిస్తున్నారు. మైత్రి మూవీస్ బ్యానర్ పై ఈ చిత్రాన్ని భారీ బడ్జెట్ తో నిర్మిస్తున్నారు. ఇటీవలే విడుదలైన ఫస్ట్ లుక్ టీజర్ కు మంచి స్పందన వచ్చింది.

యూట్యూబ్ లో ‘శ్రీమంతుడు’ ట్రైలర్ రికార్డులను క్రియేట్ చేసింది. దేవిశ్రీప్రసాద్ సంగీతం అందిస్తున్న ఈ చిత్ర ఆడియోను త్వరలోనే విడుదల చేయనున్నారు. ఈ చిత్రానికి సంబంధించిన మరిన్ని వివరాలు త్వరలోనే అధికారికంగా ప్రకటించనున్నారు.