ఏనుగుల మధ్య నలిగిపోయిన తెలుగునటి!

Posted: 11/24/2014 12:09 PM IST

Avunu 2 movie first poster actress poorna elephant stunts ravibabu

‘అవును’ సినిమా ద్వారా నటిగా మంచి గుర్తింపు తెచ్చుకున్న పూర్ణ.. ఆ సినిమా మంచి విజయం సాధించడంతో దానికి సీక్వెల్’గా ‘అవును-2’ తెరకెక్కుతున్న చిత్రంలోనూ ఆమె నటిస్తున్న విషయం తెలిసిందే! ఇదివరకే ఈ మూవీకి సంబంధించి విడుదలైన ట్రైలర్’కు ప్రేక్షకుల నుంచి మంచి స్పందనే లభించింది. తాజాగా ఈ సినిమాకు సంబంధించి ఫస్ట్ పోస్టర్’ను విడుదల చేశారు. ఇందులో పూర్ణ రెండు ఏనుగుల మధ్య నలిగిపోతూ.. రెడ్ చీరలో సెక్సీగా కనువిందు చేస్తోంది. గతంలో విడుదలైన ‘అవును’ పోస్టర్’లోనూ ఇదేవిధంగా ఒక ఏనుగు కాళ్ల మధ్య నలిగిన ఈ నటిని.. ఇప్పుడు రెండు ఏనుగుల మధ్య బంధీగా వున్నట్లుగా పోస్టర్’ను విడుదల చేశారు దర్శకనిర్మాతలు.

సురేష్ ప్రొడక్షన్స్, ఫ్లయింగ్ ఫ్రాగ్స్ ప్రొడక్షన్ సంస్థల బ్యానర్ లో వస్తున్న ఈ సినమాను రవిబాబు సొంతంగా కధ రాసుకుని ఈ మూవీని డైరెక్ట్ చేస్తున్నాడు. అలాగే స్వీయనిర్మాతగా వ్యవహరిస్తున్న రవిబాబు.. మొదటి సినిమాకంటే ఈ మూవీపై చాలానే ఆశలు పెట్టుకున్నాడు. ఏ విధంగా అయితే మొదటిపార్ట్ మంచి విజయాన్ని అందుకుందో.. దానికంటే రెట్టింపు విజయాన్ని సాధించాలనే ఆశతో వున్నాడని సమాచారం! అందుకే.. ఈ సినిమాకు సంబంధించి వైరెటీ ట్రైలర్, పోస్టర్ల ద్వారా ప్రేక్షకులను ఆకట్టుకునేందుకు ట్రై చేస్తున్నాడు. మరి ఈ సినిమాను ప్రేక్షకులు ఎటువంటి విజయాన్ని అందిస్తారో వేచి చూడాలి.