ఎన్టీఆర్ సినిమా స్ర్కిప్టు మార్చేసిన పూరి

Posted: 09/24/2014 10:31 AM IST

Purijagannath changes to the script for ntr movie

ఎన్టీఆర్ రాబోయే సినిమా స్ర్కిప్టును డైరెక్టర్ పూరి మార్చేసినట్లు టాక్ వస్తోంది. పూరి జగన్నాధ్ తో కలిసి ఎన్టీఆర్ త్వరలోనే ఓ సినిమా చేస్తున్నాడు. వీరిద్దరి కాంబినేషన్ పై చిన్న వివాదం చెలరేగినా.. నిర్మాత జోక్యంతో ఇద్దరూ సర్దుకుపోయారు. ప్రస్తుతం సినిమా చేసేందుకు ప్రిపేర్ అవుతున్నారు. ఈ మూవీ కధను వక్కంతం వంశీ అందిస్తున్నారు. అయితే వంశీ కధ విడుదలకు సిద్దంగా ఉన్న ఓ తెలుగు సినిమాను కాస్త పోలి ఉన్నట్లు గుసగుసలు వచ్చాయి. ఈ విషయం తారక్ కు కూడా తెలియటంతో ఆయన అప్రమత్తం అయ్యారు.

స్ర్కిప్టుపై వస్తున్న టాక్ ను పూరికి చెప్పి.. ఓ సారి చూడాలని కోరాడు. స్ర్కిప్టును పరిశీలించిన డైరెక్టర్, జూనియర్ విజ్ఞప్తితో పలు సీన్లను మార్చినట్లు తెలుస్తోంది. మిగతా మార్పుల కోసం వంశీకి సలహాలు కూడా ఇచ్చారట. వరుసగా సినిమాలు ఫ్లాప్ కావటంతో అప్రతమత్తమైన జూనియర్ ఎన్టీఆర్ సినిమాల పట్ల జాగ్రత్తలు తీసుకుంటున్నాడు. కాస్ట్ కటింగ్ చేయటంతో పాటు.., ప్రతి విషయంలో అలర్ట్ గా ఉంటున్నాడు. ఈ సినిమా నుంచే ఎన్టీఆర్ కాస్ట్ కటింగ్ ప్రారంభం కానుంది.

ఇక పూరి జగన్నాధ్ ఎన్టీఆర్ ‘ఆంధ్రావాలా’ ఫెయిల్యూర్ ఇద్దరి కాంబినేషన్ మొదలు పెట్టింది. ఆ తర్వాత మళ్ళీ ఇన్నేళ్ళకు పూరితో సినిమా చేస్తున్నాడు. ఈ మూవీకి బండ్ల గణేష్ నిర్మాతగా ఉన్నాడు. కాజల్ అగర్వాల్ హీరోయిన్ గా నటిస్తోంది. అటు దేవిశ్రీ సంగీతం అందిస్తున్నాడు. సెప్టెంబర్ 26నుంచి సినిమా షూటింగ్ ప్రారంభం అవుతుందని ఫిలింనగర్ టాక్. తెలుగు విశేష్ తరపున వీరి కాంబినేషన్ హిట్ కావాలని కోరుతూ.. ఆల్ ది బెస్ట్ టు పూరి తారక్.

కార్తిక్