వీరిలో వేశ్యగా మారేది ఎవరు ?

Posted: 06/12/2014 04:29 PM IST

Who as turns a prostitute anushka or nayanthara

బాలీవుడ్ లో హిట్టయిన సినిమాల్ని తెలుగులో రీమేక్ చేయడం ఈ మధ్య కాలంలో కాస్తంత ఎక్కువైంది. ఇప్పటికే పలు సినిమాలు రీమేక్ అవుతుండగా, ఇప్పుడు మరో చిత్రం రీమేక్ కాబోతుంది. హిందీలో హాట్ బ్యూటీ కంగనా రనౌత్ నటించిన ‘క్వీన్ ’ సినిమాను తెలుగు, తమిళ, మళయాళ, కన్నడ భాషల్లో రీమేక్ చేయబోతున్నారు. ఈ చిత్రం రీమేక్ హక్కుల్ని నటుడు ప్రశాంత్ తండ్రి, తమిళ నటుడు త్యాగరాజన్ తీసుకున్నాడు.

నాలుగు భాషల్లో తెరకెక్కించాలని చూస్తున్న ఈ చిత్రం లో హీరోయిన్ క్యారెక్టర్ వేశ్య. మరి ఈ పాత్రను నాలుగు భాషల్లో ఎవరు పోషించబోతున్నారు ? అన్ని భాషలకు కలిపి ఒకే హీరోయిన్ తో అలాంటి పాత్రను పోషింపజేస్తారా ? టాలీవుడ్ ఇండస్ట్రీ నుండి అందుతున్న సమాచారం ప్రకారం ‘బొమ్మాళి ’ అనుష్క క్వీన్ పాత్ర అదే వేశ్య పాత్రను పోషిస్తుందని అంటున్నారు. రీమేక్‌లో ‘క్వీన్‌ ’ గా చేసే హీరోయిన్ జాబితాలో అనుష్క, నయనతార, త్రిష, తాప్సీ, సమంతల పేర్లు వినిపిస్తున్నాయి.

వీరిలో నయనతారకు ఆల్రెడీ ‘అనామిక ’ తో లేడీ ఓరియెంటెడ్ సినిమా చేసిన అనుభవం వుంది. వీళ్లేకాకుండా అనుష్కని కూడా పరిగణనలోకి తీసుకునే ఛాన్స్ వున్నట్లు సమాచారం. వేదం సినిమాలో వేశ్య పాత్రలో నటించి మెప్పించిన అనుష్క, ‘క్వీన్ ’ లోనూ వేశ్య పాత్రకి న్యాయం చేస్తుందంటున్నారు. ఇదే గనుక జరిగితే అనుష్కను మరోసారి వేశ్యగా చూడవచ్చు. ప్రస్తుతం ఈ అమ్మడు బాహుబలి, రుద్రమదేవి సినిమాల్లో నటిస్తూ బిజీగా ఉంది.

Knr