‘ఎవడు ’ విజయ యాత్ర రేపటి నుండి

Posted: 01/16/2014 06:08 PM IST

ప్రముఖ నిర్మాత దిల్ రాజుకు ఈ సంక్రాంతి కాసుల వర్షం కురిపిస్తోంది. ఈయన నిర్మించిన ‘ఎవడు ’ సినిమా లేట్ గా విడుదల అయినా కలెక్షన్ల విషయంలో ఏ మాత్రం జోరు తగ్గలేదు. గత నాలుగు రోజుల క్రితం విడుదల అయిన ఈ సినిమా బాక్సాఫీసు కలెక్షన్లు అదరగొడుతుండటంతో రాజు ఆనందానికి అవధులు లేకుండా పోయాయి.

ఈ ఆనందాన్ని పురస్కరించుకొని దిల్ రాజు ‘ఎవడు ’ విజయ యాత్రను చేపట్టబోతున్నాడు. ఈ విషయాన్ని దిల్ రాజు ప్రకటిస్తూ... ఈ నెల 17వ తేదీ నుండి అనగా రేపటి నుండి ఈ విజయ యాత్ర తిరుపతి నుండి ప్రారంభం అవుతుందని, ఈ యాత్రలో ‘ఎవడు ’ టీం మొత్తం పాలు పంచుకోబోతుందని  తిరుపతి నుంచి ప్రారంభమయ్యే ఈ యాత్ర  తిరుపతి, నెల్లూరు, ఒంగోలు, గుంటూరులలో 17వ తేదీన, విజయవాడ, భీమవరం, పాలకొల్లు రాజమండ్రిలలో 18వ తేదీన సాగుతుందన్నారు.

వెంకటేశ్వరస్వామి ఆశీస్సులతోనే ఈ విజయం దక్కిందని భావిస్తున్నట్లు చెప్పుకొచ్చారు. అయితే కొంత మంది రామ్ చరణ్ అభిమానులు మాత్రం తెలంగాణ ప్రాంతంలో ఈ యాత్రను ఎందుకు నిర్వహించడం లేదని ప్రశ్నిస్తున్నారు.