Posted: 03/16/2013 10:36 AM IST

మెగా పవర్ స్టార్ రామ్ చరణ్ తేజ్ బాలీవుడ్ లో బిగ్ బి అమితాబ్ బచ్చన్ నటించిన ‘జంజీర్ ’ సినిమా రీమేక్ లో నటిస్తున్న విషయం తెలిసిందే. అపూర్వలిఖియా దర్శకత్వం వహిస్తున్న ఈ సినిమాను హిందీలో నే కాకుండా తెలుగు వెర్షన్లో కూడా విడుదల చేయనున్నారు. ఇయితే ఇన్ని రోజులు తెలుగు వెర్షన్ ఏ పేరు పెడితే బాగుంటుందని ఆలోచించారు. ఎట్టకేలకు తెలుగు వెర్షన్ కి సంబంధించిన టైటిల్ ని ఖరారు చేసినట్లు టాలీవుడ్ వర్గాల సమాచారం. ఈ సినిమా టైటిల్ ని ‘తుఫాన్ ’ ఖరారు  చేశారని  అంటున్నారు.  గతంలో ఈ చిత్రం టైటిళ్ళుగా  ఎన్నో పేర్లు వినిపించినా, చివరకు చిత్ర దర్శకుడు ‘తుఫాన్ ’ ఫైనల్ చేసినట్లు  ఇప్పుడే  సమాచారం అందింది. ఇక ఈ చిత్రంలో చరణ్ పవర్ ఫుల్ పోలీస్ ఆఫీసర్ పాత్రలో కనిపించబోతున్నాడు. దానికి అనుగుణంగా ఉండటానికే ఈ టైటిల్ పెట్టారని అంటున్నారు. ఇక ఈ చిత్రంలో విలన్ గా రియల్ స్టార్ శ్రీహరి నటిస్తున్న విషయం తెలిసిందే. దీంతో ఇతని పాత్ర ఏవిధంగా ఉండబోతుందనే దాని పై సర్వత్రా ఆసక్తి నెలకొంది.