Posted: 08/30/2012 09:18 PM IST

'కెమెరామేన్ గంగతో రాంబాబు' సినిమాను ఎనౌన్స్ చేసినప్పుడు పూరీ జగన్నాథ్ ఈ సినిమా టైటిల్ లోగోను ట్విట్టర్లో పోస్ట్ చేశాడు. టైటిల్ చాలా పోడవైపోయిందనే కామెంట్లు వచ్చినా, పూరీ ఆ విషయాన్ని పెద్దగా పట్టించుకోలేదు. అయితే అనుకోని విధంగా ఈ సినిమా టైటిల్ లోగో డిజైన్ మారిపోయింది. తాజాగా ఈ సినిమాకి సంబంధించిన పవన్ కల్యాణ్ స్టిల్స్ నేడు బయటకు వచ్చాయి. వాటిలో ఉన్న టైటిల్

లోగో పూర్తిగా మారిపోయి కనిపిస్తోంది. సినిమా విడుదల దగ్గరపడుతుండగా ఈ సినిమా టైటిల్ లోగో మారిపోవడం గురించి ఆరాతీస్తే ... ఇంతకు ముందున్న లోగో పవన్ కల్యాణ్ కి నచ్చక పోవడంవల్ల కొత్త లోగోను డిజైన్ చేయడం జరిగిందని తెలుస్తోంది.  ఈ కొత్త లోగోలో 'కెమెరామెన్ గంగతో' అనే వాక్యం వరకూ సైజును తగ్గించి 'రాంబాబు' అనే పేరును మాత్రమే హైలైట్ చేయడం జరిగింది. ఈ విధంగా చేయడం వల్ల టైటిల్లోనే హీరోయిజం స్పష్టంగా కనిపిస్తోందనీ ... ఆ ఉద్దేశంతోనే పవన్ ఇలా మార్పు చేశాడని అంటున్నారు.
    అయితే.. 'దేవుడు చేసిన మనుషులు' ఫ్లాప్ పై  పొడవైన టైటిల్ ప్రభావం ఉందని నమ్మిన కారణంగానే పవన్ 'రాంబాబు' అనే పేరును మాత్రమే హైలైట్ చేశాడని మరి కొందరు అంటున్నారు. 

...avnk