ఎల్జీ నుంచి వినూత్న అకర్షణలతో సరికోత్త స్మార్ట్ ఫోన్

Posted: 12/06/2016 06:19 PM IST

స్మార్ట్ ఫోన్ రంగంలోకి అడుగుపెట్టినా.. అశించిన మేరకు రాణించలేకపోతున్న ఎల్జీ ఎలక్ట్రానిక్స్.. స్మార్ట్ ఫోన్ ప్రియులను అకర్షించేందుకు సరికొత్త ఉత్పాదకతను సిద్దం చేసుకుని భారతీయ విఫణిలోకి అడుగుపెట్టింది. ఈ ఆకర్షణీయమైన స్మార్ట్ ఫోన్ లో డ్యూయల్ సిమ్ తరహాలో డ్యూయల్ స్ర్కీన్ లు వున్నాయి. ఇవాళే భారత మార్కెట్లోకి 'వీ 20' పేరిట విడుదలైన ఈ స్మార్ట్ ఫోన్లో రెండు స్క్రీన్లు ప్రత్యేక ఆకర్షణ కాగా, ఆండ్రాయిడ్ 7.0 ఆపరేటింగ్ సిస్టమ్ పై పనిచేసేలా తయారైన తొలి స్మార్ట్ ఫోన్ ఇదే..

ఇవాళ్లి నుంచి ఈ కామర్స్ దిగ్గజ సంస్థ అమెజాన్ లో అమ్మకాలు ప్రారంభం కాగా, ఈ ఫోన్ ధర రూ. 54,999గా నిర్ణయించారు. ప్రారంభ ఆఫర్ గా రూ. 18 వేల విలువైన బీఅండ్ఓ ప్లే హెడ్ సెట్ తో పాటు రూ.20 వేల వరకూ ఖచ్చితమైన బహుమతులు అందుకోవచ్చని అమెజాన్ సంస్థ కూడా ఆపర్లను ప్రకటించింది.

ఇందులో డ్యూయల్ రేర్ కెమెరా, 32 బిట్ హై-ఫై క్వాడ్ డాక్, హెడ్ డీ ఆడియో రికార్డర్ వంటి సదుపాయాలున్నాయి. 2 టెరాబైట్ల వరకూ మెమొరీని పెంచుకునే సామర్థ్యం ఉంటుంది. 64 జీబీ ఇన్ బిల్ట్ స్టోరేజ్, 5.7 అంగుళాల క్యూహెచ్డీ డిస్ ప్లే, 4 జీబీ రామ్, 16/8 ఎంపీ వెనుక కెమెరాలు, 5 ఎంపీ ఫ్రంట్ కెమెరా, 3200 ఎంఏహెచ్ బ్యాటరీతో లభించే ఫోన్ 4జీ వీఓఎల్టీఈ, వైఫై- జీపీఎస్, బ్లూటూత్ సదుపాయాలున్నాయి.