అమెజాన్ ద్వారా భారతీయ విపణిలోకి కూల్ ఫాడ్ నోట్ 3

Posted: 10/10/2015 05:17 PM IST

భారతీయ స్మార్ ఫోన్ ప్రియులకు మరో స్మార్ ఫోన్ అందుబాటులోకి రానుంది. ప్రముఖ చైనా మొబైల్ కంపెనీ కూల్‌పాడ్.. డ్యుయల్ సిమ్ 4జీ స్మార్ట్‌ఫోన్‌ను భారత మార్కెట్లో అవిష్కరించింది. కూల్‌పాడ్ నోట్ 3 పేరుతో అందిస్తున్న ఈ ఫోన్ ధర రూ.8,999 అని కంపెనీ పేర్కొంది. భారత్‌లో ఫింగర్ ప్రింట్ స్కానర్ ఉన్న తొలి స్మార్ట్‌ఫోన్ ఇదేనని సంస్థ వర్గాలు వెల్లడించాయి. ఈ స్మార్ట్ ఫోన్ ఫీచర్లు నచ్చిన వారు దీనిని పోందేందుకు ఈ కామర్స్ దిగ్గజం అమెజాన్‌లో ఈ నెల 20 నుంచి జరగనున్న విక్రయాలలో తమ కూల్‌పాడ్ నోట్ 3ని బుక్ చేసుకోవాలని ఆ సంస్థ గ్రూప్ చీఫ్ ఫైనాన్షియల్ ఆఫీసర్ జియాంగ్ ఝావో చెప్పారు. .

ఈ ఫోన్ ప్రత్యేకతలు ఇలా వున్నాయి. 5.5 అంగుళాల డిస్‌ప్లే ఉన్న ఈ ఫోన్‌లో ఫింగర్ టచ్ సెన్సర్, 3 జీబీ ర్యామ్, 64 జీబీ ఇంటర్నల్ మెమెరీ, 13 మెగాపిక్సెల్ రియర్ కెమెరా, ఎల్‌ఈడీ ఫ్లాష్, 5 మెగాపిక్సెల్ ఫ్రంట్ కెమెరా, ఆక్టకోర్ మీడియాటెక్ ప్రాసెసర్, 3000 ఎంఏహెచ్ బ్యాటరీ వంటి ప్రత్యేకతలున్నాయని జియాంగ్ ఝావో వివరించారు. ఈ ఫోన్‌ను భారత మార్కెట్ పరిస్థితులకు అనుగుణంగా కస్టమైజ్ చేశామని, 13 భారతీయ భాషలను సపోర్ట్ చేస్తుందని పేర్కొన్నారు.

జి.మనోహర్