ధాయాదులిద్దరూ.. చేతులు కలిపారు.. కుశలం తెలుసుకున్నారు..

Posted: 11/27/2014 07:50 PM IST

Prime minister narendra modi and his pakistan counterpart nawaz sharif shake hands chat at reception

సార్క్ శిఖరాగ్ర సదస్సులో నిన్న ఎడమొహం, పెడమొహంగా కనిపించిన భారత్, పాక్ ప్రధానులు గురువారం ఎట్టకేలకు చేయి చేయి కలిపారు. ఖాట్మండులో జరుగుతోన్న సార్క్‌ సమావేశాల రెండోరోజు వారిద్దరూ కరచాలనం చేసుకుని... బాగోగులు తెలుసుకున్నారు. ఈ విషయాన్ని నేపాల్ విదేశాంగ మంత్రి మహేంద్ర బహదూర్ పాండే ధ్రువీకరించారు. ఇవాళ సాయంత్రం నేపాల్‌ ప్రధాని సుశీల్‌ కొయిరాలా ఇచ్చిన విందులో పాల్గొన్న వీరు రిసెప్షన్ గదిలో కూర్చొని మాట్లాడుకున్నట్లు తెలిపారు.

కాగా ఈ సదస్సులో 26/11 ముంబై దాడి ఘటనను ప్రస్తావిస్తూ ప్రధాని మోడీ ఘాటు వ్యాఖ్యలు చేయడంతో పాకిస్థాన్ ప్రధాని నవాజ్‌ షరీఫ్‌ ఇబ్బందుల్లో పడ్డారు. ఉగ్రవాదాన్ని ఐక్యంగా ఎదుర్కోవాలన్న మోడీ పిలుపును సార్క్‌ దేశాలు ఆహ్వానించడం కూడా షరీఫ్‌ ఇబ్బందులను పెంచినట్లు అయ్యింది. దీంతో ఆయన కూడా పెడముఖం పెట్టుకునే కనిపించారు. అదీ కాక పాకిస్థాన్ ప్రేరేపిత ఉగ్రవాదులు భారత్ ఆర్థిక రాజధాని ముంబై పై దాడి చేసిన ఆరేళ్ల గడిచిన సందర్భంగా మోడీ నిన్న షరీష్ తో ఎడముఖం పెట్టుకుని వున్నారని సమాచారం.

జి.మనోహర్