జార్ఖండ్, జమ్మూకాశ్మీర్ అసెంబ్లీలకు మ్రోగిన నగరా..!

Posted: 10/25/2014 07:29 PM IST

Ec announces 5 phase polls for jk and jharkhand counting on dec 23

హర్యానా, మహారాష్ట్ర అసెంబ్లీలను నిర్వహించిన కొద్ది కాలంలోనే మరో రెండు రాష్ట్రాల్లో ఎన్నికల నగారా మ్రోగించింది కేంద్ర ఎన్నికల సంఘం. జార్ఖండ్, జమ్ము కాశ్మీర్ రాష్ట్రాల అసెంబ్లీ ఎన్నికలకు ప్రధాన ఎన్నికల కమిషనర్ వి.ఎస్. సంపత్ షెడ్యూలు విడుదల చేశారు. ఐదు విడతలుగా రెండు రాష్ట్రాలకు ఎన్నికలు జరగనున్నాయి. జార్ఖండ్ రాష్ట్రంలోని 81 అసెంబ్లీ స్థానాలకు, జమ్ము కాశ్మీర్ రాష్ట్రంలోని 87 అసెంబ్లీ స్థానాలకు పోలింగ్ జరగనుంది. ఎన్నికలు నవంబర్ 25వ తేదీ నుంచి మొదలవుతాయి. నవంబర్ 25న తోలిదశ, డిసెంబర్ 2న రెండోదశ, డిసెంబర్ 9 మూడవ దశ, డిసెంబర్ 14 నాల్గవ ధశ, డిసెంబర్ 20 ఐదవ దశతో ఎన్నికల పోలింగ్ ముగస్తుందని తెలిపారు. ఓట్ల లెక్కింపు, ఫలితాల విడుదల డిసెంబర్ 23న చేపట్టనున్నట్లు చెప్పారు. .

వీటితో పాటు ఢిల్లీ అసెంబ్లీలోని మెహరోలి, తుగ్లకాబాద్, కృష్ణానగర్ అసెంబ్లీ స్థానాలకు కూడా ఎన్నికలు జరుగుతాయన్నారు. ఇవి జమ్ము కాశ్మీర్ తొలిదశతో పాటు జరుగుతాయని వివరించారు. రెండు రాష్ట్రాల్లోను నోటాకు కూడా అవకాశం ఉంటుందని తెలిపారు. జమ్ము కాశ్మీర్లో మొత్తం 10,050 పోలింగ్ కేంద్రాలుంటాయి. జార్ఖండ్ లో మొత్తం 24,648 పోలింగ్ కేంద్రాలుంటాయని కేంద్ర ఎన్నికల సంఘం కమీషనర్ విఎస్ సంపత్ వివరించారు

జి.మనోహర్