సామాన్యులకు జెట్ ఎయిర్ వేస్ మరో బంఫర్ ఆఫర్

Posted: 09/23/2014 06:57 PM IST

విమానయాన టిక్కెట్లు నేలకు దిగివస్తున్నాయి. జీవిత కాలంలో ఏదో ఒకరోజు విమానయానం చేయాలని భావించే సామాన్యులకు విమానయాన సంస్థలు అవకాశాలు కల్పిస్తున్నాయి. రకరకాల ఆఫర్లతో ఎయిర్లైన్స్ సంస్థలు ముందుకొస్తున్నాయి. బడ్జెట్ ఎయిర్ కారియర్ గా పేరోందిన ఎయిర్ ఏసీయాకు ధీటుగా తమ ప్రయాణికులకు నిర్ధేశిత గమ్యస్థానాలకు చేర్చేందుకు జెట్ ఎయిర్ వేస్ మరో సరికోత్త అఫర్ ను తీసుకువచ్చింది.

ఇందులో భాగంగా జెట్ ఎయిర్వేస్ సంస్థ 908 రూపాయలకే విమానయానం అవకాశాన్ని కల్పిస్తోంది. 933 రూపాయల టిక్కెట్ లో పన్నులన్ని కలుపుకుని ప్రయాణికులను గమ్యస్థానాలకు చేరవేస్తామన్న ప్రకటనకు కస్టమర్ల నుంచి మంచి రెస్సాన్స్ రావంతో.. మరో ఆఫర్ కు తెర లేపింది. ఈ ఆఫర్ కింద కచ్చి నుంచి బెంగళూరుకు రూ. 908లలోనే ప్రయాణించే అవకాశాన్ని కల్పించింది. పలు నిర్ధేశిత మార్గాలకు మాత్రమే ఈ ఆఫర్ వర్తిస్తుంది.  జెట్ ఎయిర్వేస్, జెట్ కనెక్ట్ సంస్థలు నడిపే స్వదేశీ విమానాల్లో ఎకానమీ క్లాస్ ప్రయాణానికి ఈ ఆఫర్ వర్తిస్తుంది. దీని కింద వచ్చ నెల 5 వ తేదీ వరకు టిక్కెట్లను బుక్ చేసుకునే వెసలుబాటును కల్పించింది. 2015 జనవరి 15న తర్వాత నుంచి చేసే ప్రయాణాలకు మాత్రమే ఇది వర్తిస్తుంది. ఒకసారి టికెట్ కొన్న తర్వాత మళ్లీ రద్దుచేయాలనుకున్నా డబ్బులు మాత్రం వెనక్కి రావని సంస్థ వర్గాలు తేల్చిచెబుతున్నాయి.

జి. మనోహర్