ఆనం బ్రదర్స్ కి ఊహించని ఝలక్

Posted: 02/14/2017 03:13 PM IST

అధికార పార్టీలో చేరితే ఉన్నన్ని రోజులు ఓవైపు చేతిలో పవర్ ఉండటంతోపాటు, మరోవైపు వచ్చే ఎన్నికలకు కూడా ఇప్పటి నుంచే సిద్ధమైపోవచ్చన్న ఆశతో పార్టీ మారుతున్న వారు ఎందోరో. అయితే జంపింగ్ ల సంగతి ఏమో గానీ పార్టీ మారాక వారి పరిస్థితి మరీ దారుణంగా తయారు అయిపోతుంది. అందుకు కారణం అప్పటికే అక్కడున్న స్థానిక నేతలతో పొసగకపోవటమే...

నెల్లూరు రాజకీయాల్లో కూడా ఈ అసంతృప్తి బయటపడటం, అది కూడా ఆనం బ్రదర్స్ విషయంలో కావటమే ఇక్కడ విశేషం. కాంగ్రెస్ పార్టీలో ఉండగా కీలక నేతలుగా ఫుల్ పవర్ ను ఎంజాయ్ చేసిన ఈ సోదరులు ఆ తర్వాత టీడీపీలో చేరిన విషయం తెలిసిందే. పార్టీలో ఎంత మంది సీనియర్లు ఉన్నప్పటికీ వీరు మాత్రం తమ డామినేషన్ ను కొనసాగిస్తూనే వస్తున్నారు.

అయితే ఇది ఏ మాత్రం నచ్చని స్థానిక నేతలు నెమ్మదిగా వారిని అడ్డుకునే యత్నాలు ప్రారంభించటంతో అది కాస్త ముదిరి అంతర్గత కలహాలకు దారితీసినట్లు తెలుస్తోంది. తాజాగా నెల్లూరులో లోకల్ కార్పోరేటర్ల మీటింగ్ జరగ్గా దానికి ఆనం సోదరులు కూడా హాజరయ్యారు. అక్కడ తమ బలాన్ని నిరూపించే క్రమంలో స్థానిక నేతలతో ఒక్కసారిగా వాగ్వివాదం చెలరేగిందంట. సీనియర్ నేత గోరంట్ల బుచ్చయ్య చౌదరీ ఎదుటే వారు మాటల యుద్ధానికి దిగటంతో విషయం అధిష్టానం దృష్టికి వెళ్లింది.

దీంతో రంగంలోకి దిగిన పార్టీ జనరల్ సెక్రటరీ నారా లోకేష్ దృష్టికి వెళ్లింది. వెంటనే లోకేష్ వారిద్దరినీ తన వద్దకు పిలిపించుకుని వార్నింగ్ ఇచ్చినట్లు సమాచారం. క్షేత్ర స్థాయి నేతలతో కలుపుకోలుగా ఉంటేనే మంచిదని, లేకపోతే పార్టీలో భవిష్యత్తు ఉండబోదంటూ గట్టిగానే చెప్పి పంపిచ్చినట్లు తెలుస్తోంది. ఈ వ్యవహారంతో షాక్ తిన్న ఆనం బ్రదర్స్ సైలెంట్ గానే అక్కడి నుంచి నిష్క్రమించినట్లు విశ్వసనీయ వర్గాల సమాచారం.