ITEMVIDEOS: ప్రతిపక్ష నేత జగన్ పై విశాఖ విమానాశ్రయంలో దాడి

Posted: 10/25/2018 01:24 PM IST

Murder attack on ys jagan at vizag airport

విశాఖపట్నం విమానాశ్రయంలో అనూహ్య ఘటన జరిగింది. యువజన శ్రామిక రైతు కాంగ్రెస్ పార్టీ (వైస్సార్ కాంగ్రెస్) పార్టీ అధినేత జగన్ పై దాడి జరిగింది. ఈ వార్త దవానంలో వ్యాపించడంతో రాష్ట్రవ్యాప్తంగా కలకలం రేగుతుంది. విశాఖ ఎయిర్ పోర్టులోని వెయిటర్స్ లాంజ్ లో కోడిపందేలకు ఉపయోగించే కత్తితో జగన్ పై ఓ వ్యక్తి దాడి చేశాడు. అయితే దుండగుడు కత్తి జగన్ ఎడమ భుజం కింద దిగడం ఎలాంటి ప్రమాదం లేదు. ఈ ఘటనలో జగన్ భుజం నుంచి రక్తం వచ్చింది.

వెంటనే అలర్ట్ అయిన విమానాశ్రయ సిబ్బంది దుండగుడిని అదుపులోకి తీసుకుని పోలీసులకు అప్పగించారు. పోలీసులు విచారణలో దుండగుడు విమానాశ్రయంలోనే పనిచేసే వెయిటర్ అని తేలింది. అతడని శ్రీనివాసరావుగా గుర్తించిన దుండగుడిది అమలాపురం అని విచారణలో తెలుసుకున్నారు. జగన్ పై దాడి చేయడానికి గల కారణాలను తెలుసుకుంటున్నారు. రాష్ట్రంలోని ప్రతిపక్ష నాయకుడి హోదాలో వున్న వ్యక్తిపై అగంతకుడు కత్తితో గాయపర్చడంతో ఇదేనా విపక్ష నేతలకు ఇచ్చే భద్రత.? అంటూ మరికోన్ని వాదనలు కూడా తెరపైకి వస్తున్నాయి.

అయితే దాడికి ముందు వెయిటర్ శ్రీనివాస రావు విమానాశ్రయం లాంజ్ లో కూర్చున్న జగన్ వద్దకు వచ్చి.. ‘‘వైసీపీకి 160 సీట్లు వస్తాయా సార్?’’ అంటూ పలుకరించాడు... సెల్ఫీ దిగుతానంటూ దాడికి దిగాడు. జరిగిన ఘటనతో అక్కడున్న వారు అవాక్కయ్యారు. పోలీసులు దుండగుడిని అదుపులోకి తీసుకుని విచారిస్తున్నారు. మరోవైపు జగన్ అక్కడే ప్రథమ చికిత్స చేయించుకుని, అనంతరం, విమానంలో హైదరాబాదుకు బయల్దేరారు. దాడి ఘటనపై మరిన్ని వివరాలు అందాల్సివుంది.