ITEMVIDEOS: క్యాన్సర్ చికిత్స పోందుతున్న చిన్నారుల కలసిని అల్లుఅర్జున్..

Posted: 07/01/2015 01:02 PM IST

పవర్ స్టార్ పవన్ కళ్యాణ్ ఖమ్మం జిల్లాలో బ్రెయిన్ ట్యూమర్ తో బాధపడుతున్న చిన్నారి శ్రీజను పరామర్శించడంతో ప్రారంభమైన మేక్ ఏ విష్ జోరు.. అభం శుభం తెలియని, కల్మషాలు ఎరుగని చిన్నారుల ముఖంలో చిరునవ్వులు పూయించేందుకు చేస్తున్న కృషి అభినందనీయం. ఈ నేపథ్యంలో మాజీ కేంద్ర మంత్రి, రాజ్యసభ సభ్యులు చిరంజీవి, ఆయన తనయుడు మొగా పవర్ స్టార్ రాంచరణ్, నందమూరి నటవారసుడు, యంగ్ టైగర్  జూనియర్ ఎన్టీఆర్, ప్రిన్స్ మహేష్ బాబుల తరువాత స్టైలిష్ స్టార్ అల్లుఅర్జున్ కూడా దీర్ఘకాల వ్యాధులతో బాధపడుతున్న చిన్నారులను కలిశారు.

నగరంలోని లక్డీకాపూల్‌లోని మేక్‌ ఏ విష్‌ ఫౌండేషన్‌లో కేన్సర్‌తో పాటు వివిధ రకాల వ్యాధులతో బాధపడుతున్న చిన్నారులను నటుడు అల్లు అర్జున్‌ బుధవారం పరామర్శించారు. ఈ సందర్భంగా వారికి బహుమతులను అందజేశారు. చిన్నారులతో సరదాగా కాసేపు గడిపారు. వారి ముఖాలతో స్వచ్ఛమైన చిరునవ్వులతో ఆయన పొంగిపోయారు. వారికి తెలియకుండానే వారు ఈ వ్యాధిగ్రస్తులుగా మారుతున్నారని మేక్ ఏ విష్ సంస్థ నిర్వాహకులు చెప్పడంతో ఆయన కల్లు చమ్మగిల్లాయి.

ఈ సందర్భంగా బన్నీ మాట్లాడుతూ ముగ్గురు పిల్లలు కేన్సర్‌తో బాధపడుతున్నారని, వారి కండిషన్‌ సీరియస్‌గా ఉందని అన్నారు. ఈ ఆర్గనైజేషన్‌ తరఫున పిలుపు వస్తే ఏ సెలబ్రెటి అయినా వెంటనే స్పందిచాలని ఆయన విజ్ఞప్తి చేశారు. పిల్లలను కలుసుకోవడం చాలా సంతోషంగా ఉందని, చఅన్నీ మనం డబ్బుతో కొనలేమని ఆయన అన్నారు. చిన్నారులు చూపించే నిష్కలంక ప్రేమను ఎంత డబ్బు పెట్టినా లభించదన్నారు. మేక్‌ ఏ ఫౌండేషన్‌ ఏర్పాటు చేసిన బై సైకిల్స్‌ను కొందరికి అల్లు అర్జున్‌ చేతుల మీదుగా అందజేశారు.

ఈ సందర్భంగా మేక్‌ ఏ విష్‌ ఫౌండేషన్‌ స్ఫూర్తిని ఆయన అభినందించారు. కేన్సర్‌తో పాటు వివిధ రకాల వ్యాధులతో బాధపడుతున్నవారు తమ అభిమాన హీరో అల్లు అర్జున్‌ను చూడాలని బాలలు కోరడంతో స్పందించిన మేకే విష్‌ పౌండేషన్‌ బాలల కోరిక తీర్చేందుకు ముందుకు వచ్చి హీరో అల్లు అర్జున్‌తో మాట్లాడి పిల్లల కోరిక తీర్చింది.

జి.మనోహర్