స్పేస్ లోకి మనుషులను పంపబోతున్న ఇస్రో

Posted: 02/26/2014 04:58 PM IST

ఇదమిద్ధంగా ఎటువంటి ప్రణాళికా లేకపోయినా మనుషులను రోదసీ లోకి తీసుకెళ్ళి మళ్ళీ సురక్షితంగా తీసుకుని రావటానికి భారత్ లో ప్రయత్నాలు జరుగుతున్నాయి.

మంగళూర్ విశ్వవిద్యాలయ స్నాతకోత్సవంలో పాల్గొన్న ఇస్రో ఛైర్మన్ రాధాకృష్ణన్ ఆ కార్యక్రమం తర్వాత మీడియా ప్రతినిధులతో మాట్లాడుతూ భూమికి 275 నుంచి 400 కిలో మీటర్ల దూరంలో ఉంచి వారం రోజుల తర్వాత తిరిగి భూమి మీదకు తీసుకుని రావటానికి 2006-2007 లోనే పరిశీలన జరిగిందని అన్నారు. 

ల్యాబ్ లో దీని మీద పరీక్షలు జరిగాయి కానీ నిజంగా స్పేస్ లోకి పంపించవలసివుంది.  వాతావరణాన్ని నియంత్రిస్తూ ప్రాణ రక్షణకు అవసరమైనవాటి మీద అధ్యయనం చేస్తున్నామన్నారు రాధాకృష్ణన్. 

ఈ పరీక్షకోసం ఏ వాహనాన్ని వాడతారని అడిగిన దానికి రాధాకృష్ణన్, పిఎస్ఎల్ సి ఒక మనిషిని, జిఎస్ఎల్ వి ఇద్దరిని, జిఎస్ఎల్ వి ఎమ్కే 3 ముగ్గురిని తీసుకెళ్ళగలుగుతుందని అన్నారు.

దీని మీద ఇంకా అధ్యయనం జరుగుతోందని ఆయన అన్నారు.

-శ్రీజ