Posted: 04/25/2012 02:51 PM IST

                పార్లమెంట్ బడ్జెట్ సమావేశాల మలివిడత రెండోరోజైన బుధవారం నూతనంగా ఎన్నికైన పలువురు రాజ్యసభ సభ్యులు ప్రమాణ స్వీకారం చేశారు.  రాజ్యసభ ఎంపీలుగా టీడీపీ నేత దేవేందర్‌గౌడ్, కాంగ్రెస్ నేత పాల్వాయి గోవర్ధన్‌రెడ్డి నేడు (బుధవారం) ఉదయం ప్రమాణ స్వీకారం చేశారు. రాజ్యసభ ఛైర్మన్‌ హమీద్‌ అన్సారీ పర్యవేక్షణలో ప్రమాణ స్వీకారాలు కొనసాగాయి. 
              ప్రమాణ సమయంలో పాల్వాయి జై తెలంగాణ అంటూ నినాదాలు చేశారు.  వీరితో పాటు పలు రాష్ట్రాల ఎంపీలు ప్రమాణ స్వీకారం చేశారు. సిట్టింగ్ ఎంపీ, సమాజ్‌వాది పార్టీ నేత బీబీ తివారి మృతి పట్ల రాజ్యసభ సంతాపం ప్రకటించింది. అనంతరం రాజ్యసభ రేపటికి వాయిదా పడింది. కాగా, రాజ్యసభ సభ్యులుగా ఇటీవల ఏకగ్రీవంగా ఎన్నికైన రాష్ట్రానికి చెందిన చిరంజీవి, రేణుకా చౌదరి,  రాపోలు ఆనంద భాస్కర్‌, సీఎం రమేశ్‌ కూడా ప్రమాణస్వీకారం చేసిన సంగతి విదితమే.

...avnk