Posted: 02/16/2013 07:41 PM IST

వన్డే ర్యాంకింగ్స్‌లో టీమిండియా అగ్రస్థానాన్ని కైవసం చేసుకుంది. శనివారం అంతర్జాతీయ క్రికెట్ బోర్డు విడుదల చేసిన వన్డే ర్యాంకింగ్స్ జాబితాలో మళ్లీ భారత్ అగ్రస్థానాన్ని సొంతం చేసుకుంది. వన్డే ఆలౌ రౌండర్ల జాబితాలో యువరాజ్ సింగ్ మళ్లీ మూడో స్థానానికి (337 పాయింట్లతో) ఎగబడ్డాడు.జట్టు ర్యాంకింగ్స్‌లో భారత్ అగ్రస్థానంలోనూ, ఇంగ్లండ్ 118 పాయింట్లతోనూ రెండో స్థానంలో నిలిచింది. ఇక టాప్ టెన్‌లో దక్షిణాఫ్రికా, శ్రీలంక, ఆస్ట్రేలియా, పాకిస్థాన్, వెస్టిండీస్, న్యూజిలాండ్, జింబాబ్వేలో చోటు దక్కించుకున్నాయి.ఇక ట్వంటీ-20 ర్యాంకింగ్స్ జాబితాలో విరాట్ కోహ్లీ రెండు స్థానాలు దిగజారి ఎనిమిదో స్థానాన్ని కైవసం చేసుకున్నాడు. అలాగే సురేష్ రైనా 9వ స్థానంలోనూ, యువరాజ్ సింగ్ 14, గౌతం గంభీర్ 17వ స్థానానికి పడిపోయారు. బౌలింగ్ జాబితాలో రవిచంద్రన్ అశ్విన్ మాత్రమే టాప్-20లో స్థానం సంపాదించుకున్నాడు రెండు స్థానాలు దిగజారిన రవిచంద్రన్ అశ్విన్ 18వ స్థానాన్ని నిలబెట్టుకున్నాడు.