విండోస్-10 ట్రయల్ ప్యాక్ సాఫ్ట్ వేర్.. 90 డేస్ @ ఫ్రీ

Posted: 08/01/2015 06:56 PM IST

సాంకేతికరంగంలో మరో విప్లవాత్మకమైన మార్పు చోటు చేసుకుంది. స్మార్ట్ ఫోన్, టాబ్లెట్ బాట పట్టిన కొత్త తరానికి మైక్రో సాప్ట్ సరికొత్త సాఫ్ట్ వేర్ ను ప్రవేశ పెట్టింది. మార్కెట్ లో సరికొత్త సాఫ్ట్ వేర్ 'విండోస్ -10'ను విడుదల చేసింది. ఫోన్లు, గేమ్స్, హాలో గ్రాఫిక్, హెడ్ సెట్టింగ్ లలో వినియోగించేలా విండోస్ 10ను రూపొందించారు. విండోస్ 10 అప్ గ్రేడ్ కోసం నమోదు చేసుకున్న వారికి మాత్రమే ఈ సదుపాయం ఉంటుందని మైక్రో సీఈవో సత్య నాదెళ్ల పేర్కొన్నారు. విడుదలైన రోజే సుమారు 50 లక్షల మంది నమోదు చేసుకున్నారు.

రాబోయే రోజుల్లో కోట్ల మంది వినియోగదారులు ఉచితంగా ఈ ఓఎస్ ను డౌన్ లోడ్ చేసుకుంటారని అంచనా వేస్తున్నట్లు తెలిపారు. వచ్చే ఏడాది కాలంలో విండోస్ 10ను ఉచితంగా ఇచ్చే అవకాశం ఉన్నట్లు చెప్పారు. విండోస్ 10ను విరివిగా అందరినీ అకర్షించేలా ఓ పథాకాన్ని కూడా తీసుకువచ్చారు. కార్యాలయాల్లో పెద్ద మొత్తంలో వాడే కంప్యూటర్లకు విండోస్ 10 ఆపరేటింగ్ సిస్టమ్ ని 90 రోజుల పాటు ఉచిత ట్రయల్ వెర్షన్ ఇచ్చేందుకు మైకోసాఫ్ట్ ముందుకు వచ్చింది. ఇప్పటికే వ్యక్తిగత ల్యాప్  టాప్ లు , కంప్యూటర్లకు ఉచిత అప్ గ్రేడ్ ని కూడా వర్తింపజేసింది.

జి. మనోహర్